Matheus David
Olomakaya monhele yovaenda ya shivika nawa nedina Hilton omwa li eyandjo lomapapa moinyangadalwa ya yooloka.
Ehangano ledina Simply You Magazine Lifestyle and Fashion Awards( SYMLAFA) ola dimbulula omanyakwa oo e li dingi mamalihafifo ngaashi okufimaneka omifyuululwakalo eduliko, okulongifa omaano mokweeta po oshinima shipe osho yo okuulika oukumwe melongelokumwe.
Monika Geingos, okwe shi pondola okuya nodjapo yoshingoli, eshi e li a shiivika nawa mokukumika, okulela nokukwafela mokukaleka po exumokomesho .
Oshiindingili eshi osha hanganifa ovanhu okudja koikandjo ya yooloka. Okwa didilikwa moshoongalele eshi mwa li ovaleli ovo ve li hava ungaunga nonghalo yokweeta po oinima imwe oyo tai eta exumokomesho, ovanyandi novamwenyeki vonghalo.
Ovanyanyamaulu ava ve shi pondola moungudu ve li omulongo nambali ongaashi; Popyeni Jewels for Accessories designer of the year. Boss madam- Nam oo a findana okukala oye katokote mokuwapaleka nokufila oshisho oipala yoomeme.
Leoviich okwa yangata po odjapo yokukala omufaneki kamana.
Landy Nangobe opamwe naFortune Lumana ove shi pondola kukala va djalekwa oshishani mokuenda ongeda, okutifula osho yoo okuenda. Reinhard Mahalie oye dingi mokufindana eedjapo mokuxwaxwameka nokukala oye dingi momudjalo wopashinanena.
Michelle Shipanga osho yo Dj Quality ovo dingi mokukwatafana noshiwa kupitila komayakulo oparadio. Regina Miranda okwa yangata po efindano lokukala oye dingi mokumwenyeka nokuhafifa oshiwana kupitila pelongifo lomalungula.
Kim Matheus okwe shi pondola mokunduluka oikutu yopefimbo hano omudjalo wopashinanena nokwa li a tumbakekwa nodjapo moilonga oyo tuu ei.
Dino Ballotti, omupeduminista mehongo okwa hokolola nghene sha fimana okweendela pamwe nexumokomesho mokutunga oshiwana. Okukala moshitunda shomanyakwa kashi fi ashike okuulika etumba ndele otashi kwafele mokuxumifa emona loshilongo nokuulika omikalo dipe odo oshiwana tashi dulu kulongifa sho shi lixupife”.
Okwa holola nghene oshitunda tashi xumu komesho mokunduluka omikalo di lili na dilili nokuxumifa komesho eenghulungu detu moshitunda Namibia.
Ehangano lokukwatela komesho omakwatafano opangodi la shivika nedina MTC ola ti otali twikile nokuyambidida omanyakwa oo e li nokulonga, okumwenyeka osho yo okunduluka oidjaloma yopashinanena moshilongo.
-matheusshitongenidavid@gmail.com