Elelo loshilando shaWindhoek  (CoW) ola tula po oshimaliwa sheemiliona N$15 mokuandjeneka olusheno momaumbo e li 1,200 oo e li momalukanda inaa longekidwa, noshinyangadalwa eshi osha patululwa pambwelewa kominista yEyambulepo lEedolopa nOitukulwa yokoushai Erastus Uutoni.

Omalukanda oo taa tamekwa okupewa omalusheno oyoo e li moikandjohoololo yaMoses Garoeb naTobias Hainyeko  nopoloyeka ei otai ka twikila nokuandjaneka olusheno koSamora Machel nosho yo kOtjomuise Extension 6 no7.
Uutoni ta ti eandjakano lolusheno oli li shimwe shomoilalakanenwa yelelo lo-CoW yomido nhano komesho oyo ya kwatela mo okutema oshilando ashishe. 

Ta ti eputuko nokuyandja olusheno kovanhu ola lundulula pamukalo muwa eengalamwenyo dovanhu vahapu “Ngee hatu popi oilonga yomomaumbo osha pumba okupopya sha hashi longwa meumbo ihashi longifa olusheno. Okuwapaleka eumbo, okuteleka, nomalihafifo, aishe oya pumbwa olusheno,” Uutoni ta ti. -Nampa