ǀAeǁgams !ā!khōmais ge ra mî, ǁanǂgāsaben nî domdoresa nē ǀaweǁguisa ǀoro ǂganǀgauba ūhâ tsî !haes tsîna nî dī internet !gaeǁares nî sîsentsoatsoas karao. ǁKhātis ge !ā!khōmaisa ǁanǂgāsaben tsî ǂharugun tsîn hoana ǁîs !oabade supuse hōs !aroma ra !hûǁare.

Internet !gaeǁares ǀkhas ge !ā!khōmaisa ra ôa-am îs ga ǁîs ǁanǂgāsaben tsî ǂharugugu tsîn hoana !oa!ū ǁîs !oabadi ǀkha a !hûǁare tsî !nanǀgaib tsî ǁgam-i mātareǀgaugu tsî sîsenūǀgauga a supusupusa. 

ǂOa ge wekheb !nâs ge !ā!khōmaisa māǂui hâ i ǂhôan !nâb ge ǀAeǁgams !ā!khōmais Sîsenǂui ra Mâisab Robert Kahimiseba ge mî, nē internet !gaeǁares mûǂuib nî īǁkhā kaisa ǁgoe hâ ǀAeǁgams !nâ ǀhûhâsib khoen nî Wi-Fi !oabadi tsî nau !oabadi hîa internet!gaeǁaresa ra ǂhâbadi tsîna sîsenūsa. 

Ai!â nî hâ ǂhâhâsa !oabas ge ǁnāti ī CCTV !khōǁnâ-ūdadi nî hâsa ǁawosasib !oabade ra mā ǂnûiǂgādi ǀkha nî !hū-aresase. Nē mîǂgāb tsî !gāsasibab ge Kahimiseba gere mā, ǁnāpa ge ǂhôamāǂuin !nâ hâ i ǂgā-ams, !ā!khōmais ge ǁnâuguxoaǁguiba Chinese ǁnâu-tsî-!hoaǂharugub  di Huaweis ǀkha a xoa!gao internet !gaeǁaresa hōs !aroma ti gere mîs ai. 

“ǀAeǁgams !ā!khōmais ge  ǂansas ūhâ ǁnāti ī ǂgā-amdi hîa ǂhaitsi ǂanǂan!khaigu ai ra xoahen xa tsî ǀoasa !nurib ǁgauǁgaudi dibas ga hōtoa o nēs ai nî khom,” tib ge Kahimiseba ge mî.  Ai!âb ge Kahimiseba ge mî, in ǀAeǁgams ǁanǂgāsabena tā amaban ūhâ!nâ tama ǂhôana sî!kharu noxopas !ā!khōmaisa ǀguis khami ī ǁnâuguxoaǁgui-i tsîna Huaweis ǀkha xoa!gao tama tamas ka i o 5G projeks ǀkha tsoatsoas !aromas tsîna ǁnâugu-e dī tama xuige. 

“ǀAwemā!nans ge 5G !gaeǁ-ares lesensi-i !aromas tsîna CRANs ǀkha ǂganamsen-e tātsē dī tama hâ,” tib ge ge mî. ǀAeǁgams !ā!khōmais ge ǂoa ge wekheb ǂhôan !kharaga ǂhôamāǂuiǁgâudi din !nâ danasa gere ǀhōǂui, Al Jazeerab ge !nuri, Brunhilde Cornelius, RDPs ǂgiǂgosi ǀawemā-aos ge a mî ǁîs ge ǁîs kurisa RDP ǁ-anis Nicanor Ndjozes xa gere ǁama!khunihe îs nē ǂâi!nâǁguisa 5G !gaeǁares !oagu tā hâ. Cornelius ge nūs !naka ge mî, ǁîs ge 19 Gamaǀaeb dis ai N$5 miljuns tsî N$6 miljuns hâra ǁaegu hâ maris ǀkha !ā!khōmais ǂans tsî !gaeǁaredi sîsenǂuira mâisab, Reckliff Kandjiriomuinib xa gere ǁama!khunihesa, îs tā nē ǁnâguxoaǁguisa ra ǁkhaese ī. Nausa ra Ndjozes tsî Kandjiriomuinib hâra hora hîa nē ǂgā-amsa ge ǀūxū hîa.