Katima Mulilo – Mapokola mwa sikiliti sa Zambezi nebatamile baituti babane kuzwelela kwa Sikolo sesi kopanyize litopa sa Masokotwani, hala kungunganywa kwa kezo ya kutuba muyaho wa sikolo sa bona kamulelo wa busholi. 

Mapokola babulela kuli babakulubelwa neba tubile kukena mwa muzuzu wa makompiuta kaku bulaya lihaulo ni ku uzwa makompiuta alobañwi. Piho yeo nefilwe ki kampani ya malonda ya Bezo Investment, mi mapokola kiha baliba teñi nikuyo tama baba kulubelwa. Lipatisiso za mapokola neli baisize kwa munzi wa Kabozu, mwa silalo sa Masokotwani, teñi nebailo fumana makompiuta abusholi apatilwe mwa mañata abucwañi. Lipatisiso halizwelapili fasikolo kwato fumaneha kuli libyana zeñwi kungelela cwalo ni makompiuta ni lilama za ona, hamoho cwalo ni mikotana ye mibeli ya sikolo ye kulubelwa kuli kiya lifosi, nelifumanwi kwa mulaho mapaba ni lihaulo kone bakenezi. Libyana kaufela zene uzwizwe nelifumanwi nikutambekwa kwa sikolo fapila yomuhulu wa sikolo ni kampani ya malonda ya Bedzo Investment. 

Yomuhulu wa sikolo naitekezwi kuyo kwalula muzeko. Kezo ya busholi yeo yene komokisize sicaba netile lihola zemwatasa ze 48 lisika kwana kale, kampani ya B2Gold imano yo neulela sikolo sesi fumaneha kwa matakanyani makompiuta amashumi amane Lamubulo