Auleria Wakudumo 

Namibia Wrestling Federation oya yandja olupandu kokakomitiye koNamibia National Olympic eshi ke va pa omudjalo woudano mupe. 

Namibia Wrestling Federation oya pewa omudjalo oo oshivike sha dja ko. Omudjalo owa yandjwa komesho youdano tau ifanwa oAfrican Youth Games tau ka kala ko koAngola okudja mo10-20 Decemba neudo. 

Ovadani otava ka kufa ombinga moudano wowrestling yokefuta hano obeach wrestling koshi yeedula 17. 

Ovo tava ka kalela po Namibia ovo: Henrico Durand, Lisias Shipopyeni, Dwayne Tuoro, Petrus Haimbodi na Luis Forcelledo Paz. 

Ehangano loNamibia Wrestling Federation ola holola olupandu koNamibia National Olympic Committee eshi ya kwashilipaleka kutya ovadani otava ka djala oikutu ipe oyo tai holola epandela loshilongo. 

Ova ti ove shishi kutya ovadani ove udite etumba notava ka kufa ombinga nelitule mo okutula epandela loshilongo pombada. 

Oshivike sha dja ko, okakomisi komau d ano moNami bi a melongelokumwe noNamibia wrestling Federation ovali va eta ehongo loudano wa pumba monooli wowrestling. 

Oudano ou otau ka kwafela ovadani vahapu vokonooli ovo vena ohokwe nowino mowrestling opo navo va dule okukala tava kufa ombinga nokukalela po Namibia kodje yoilongo ngaashi tashi ningwa kuvakwao. 

Vamwe vomovakufimbinga ova li va holola kutya ova kala nokutala owrestling koradio yomudidimbe novena ohokwe yokukufa ombinga moudano ou. 

-awakudumo@nepc.com.na