Ongudu yOvanamibia koshitopolwa shanooli oya li ya ongala koshitufi shomailikano, komukunda Onankali moshitukulwa shaShikoto. Oshitufi vati osha li sha unganekwa komufitaongalo wongeleka yaNankali Asser Shivute. 

Shivute okwa ti elalakano lomailikano, okwiindilila ashike ava va pumbwa ekwafo lopamhepo moinima ya yooloka, ndele kave wete apa tave lihange.

“Unene ngeenge hatu unganake omailikano aa, ohatu tale komaupayakadi aa taa dana onghandala pefimbo opo. Omaupyakadi fimbo limwe ohaa kala ngaashi omalidipayo, oiponga yoihauto, okuhe na oilonga, naikwao ya wedwa po,” ta ti. Okwa twikila kutya omailikano avo ohaa shiivi ovafita vokomaongalo aeshe mounyuni neengeleka domamhepo. “Katu na kutya ngeno ava ovaElcin ile vaAngilican ovo ashike. 

Ohatu ifana ovanhu aveshe, mwa kwatelwa ovafita, opo tu likwafe oo nokwiilikanena ovanhu,” ta ti. Oshinyangadalwa eshi vati hapo sha tameke odula ie. 

Ova ti osha kala hashi ningwa shito, nodula ei oshikando oshititano. Shivute okwa ti meedula da pita ovanhu ova kala have ya omangafifi ndele fiyo opaife shima va udu ku na omailikano natango ohave ya ashike mengafifi.

Omailikano ohaa kala e na ovakwamhepo ve na oipopiwa ya yooloka, omaxungomwenyo osho yo omatwomukumo kovanhu veedula adishe.

Nonande oshitufi eshi vati sha ningwa oshali shamuhongi, natango ohava kala nokutaalela omashongo ngaashi oipundi yokukala omutumba inai wana, oikulya osho yo oikwafifio aishe ei hava kala va pumbwa. 

“Oupyakadi osheshi kutya oimaliwa ei hatu longifa ohai kala yadja mendjato detu vene, yoo haaalushe hai kala yawana,” ta ti.

Ashike nande ongaho Shivute okwa yandja olupandu laye kovakwashiwana aveshe ava vali va holoka, no kwa ti omailikano omo dula taiya oku li ko petameko lodula.

-taimihaihambo2000@gmail.com