Ongwediva – Petrus Iyambo oo a shivika nawa ongaRaster Kapana mOngwediva okwa ti ongula pohamano manga etango inali pita, ye oku li nale molukanda laShipindo moNgwediva, ta shakala omundilo wokuyofa okapana kaye manga kutalala.

Iyambo okwa ti mongeshefa youludi eli okwa waimina mo nale mo 2007, omo a kala eedula 18 paife.

Vati Ngeenge owe ya mOngwediva to pula ombelela yokapana, kepana ou ite ku lombwele okapana kaRaster kapana, shaashi vati ohaka kala ka nfingala nawa, ko okanyenye hano taka tokola elaka. 

“Amwe mwene onda tamekele ndimushonelelela, peedula ashike omu-17, omo nokuli nda li koLudreritz, oko nda ka dja ndi tameke okulandifila pokati kOngwediva noNdangwa, nokonima handiya mOngwediva mwoo vene polukanda laZola,” ta ti.

Iyambo okwa twi ovasapoti vaye vakula ovanafikola vokoiputudilo yaNgwediva, ngaashi IUM, UNAM osho yo oshiputudilo shoengineering.

“Molwaashi ame nghina okaana, moule weedula omo nda landfifa okapana kange, onda kendabala okufutila ovamwaina vange, omo nokuli vamwe vumuvo va ninga ovahongifikola osho yo ovapangi,” ta ti. Okwa twikila kutya natango mongeshefa yaye yokapana okwa dula okuyandja oilonga kovanailonga va koya puvavali, ovo nokuli he va futile naapa hava di.

Raster okwa ti yee ke shi ashike omulandifi wokapana , mongeshefa yaye okwa kendabala okumona mo onduda yaye yakula yomalandifilo, osho yo onhlee yokukosha eetuwa.

Poitufi yakula unene ngaashi eehango, vati oha pulwa opo a ka yofe ombelela. “ Ngeenge tashi ya mOngwediva ava va hala okapana kange ve li nande okoilonga ngaashi ava hava longo meembelewa, ohandi bookingwa ashike, ame hai ka twala peenhele davo doilonga vo tava futu ashike o N$13,” ta ti.

Okwa weda po yo kutya ota pula ovakwashgiwan aveshe ava tave ya kefudo laDeseba okudilila keenhele da yooloka, ve uye va lole okapana ka tyole mOwambo.

-Taimihaiahmbo2000@gmail.com