Ngoloneya woshitukulwa shaHangwena Kadiva Hamutumwa okwa lombwela ookansela vape moilonga kutya, ngeenge ve li meembelewa depangelo nava fiye eengudu davo deepolotika pondje.

Okwe va yelifila kutya ngeenge veya meni leembelewa davo, nave li pake moilonga yavo, ndele tave shiningi veli mo shili oshoyo mouyuuki.

Kadiva edi okwe di popya pefimbo lomutumba wavo weshakeno lotete noo kansela vape, oo wali unasha noku shiivafana, oshoyo oku yelifilwa osho vateelelwa va kale, voo va longe ngeenge tashi ya po ku kwafa oshiwana noku wanifa po oilonga yepangelo.

“Ngeenge ombelewa yangoloneya, yoshitukulwa ile ouministeli tau pulasha okudilila keembelewa deni, nashi kale sha wanifwa po meendelelo ngaashi shapumbiwa. Ei oilonga mwei anena, kaishi opolotika,” ta ti.

Kadiva okwa yelifila ookansela vape kutya oveya moshitukulwa shina oikandjohoololo yakondekwa koumadjuu ya yooloka, ndele ota va dulu ashike okushiendifa noku shoipondola, ngeenge tava longele kumwe nonoudiinini.

“Oshitukulwa shaHangwena oshina omashongo ahapu unene tuu eemhumbwe domeva, ondjuwo okukalekapo oukoshoki, ondjala oluhepo moikwa noipangifo meefikola, nai kwao ya wedwa po,” ta ti.

Okwa twikila yoo kutya natango ovena oupyakidi wexumo komesho ta li ende kashona, omanga omwaalu wovanhu moshitukulwa tau ende ashike tau pula komesho.

“Oinima ei ishona itai pula ondjila ile, nai kale ya pwa meendelelo, yoo idule okukwafa ovanhu oshoyo oshiwana apa tai dulu,” ta ti.

Okwe va dimbulukifa yoo kutya elelo lavo oli na ashike oule weedula nhano, nomeedula nhano omo keshe umwe koshipundi nadjeko, tau like kutya okwa li talele mo shili.

Kansela mukulu welelo doolopa la Windhoek Joseph Uapingene, okwa ti ookansela luhapu ovena onghalo yoku li longela voovene, voo tava dimbwa kutya koipundi oveyako okulela oshiwana.

“Konima ashike eshi mwaana komesho yoshiwana, omwa anena oku kwafa ovakwashiwana aveshe koonono, ndele ha engudu deni dopapolotika odo adike,” ta ti.

taimihaihambo2000@gmail.com