Omaudano edina Ondjola oo a li a pateka muDesemba komukunda Iitangana moshitukulwa shaMusati okwa etela eeshipana domaudano oyuuyemo yoshimaliwa. 

Oudano owa li u na eetima domaudano a yooloka dili 48, omo mwakwatela etanga lokeemhadi, oudano womokababa woo meme osho yo ovoli. 

Umwe wo mo vaunganeki Page Kashikuka okwa ti, ou oo oudano uti 15, nghee va temekele omaudano Ondjola. 

“Oudano owa li wa ningwa oule womafiku aatanho, omo otima yotete yafindana oN$30 000, otima itivali oya findana o N$ 22 000, otima ititatu tai findana o N$ 11 000 yoo otima ei yeya itine tai findana o N$ 7000,” ta ti. 

Kashikuka okwa twikila kutya okwa li yoo vena oudano weengonyo, nomwaalu wo va kufimbinga momaudano a yooloka owa li waya pombada neepelesenda 70-80, mokuyelekanifa nodula ya djako. 

Okwa li yoo tuna ovadani dingi va kula moNamibia, tava kufa ombinga moudano unene wetanga lokeemhadi. 

Oshitufi eshi vati osha dula oku yandja eemhito doilonga kovanhu vafika po 70, omo mwakwatelwa ovanhu kwa li tava shiki oshiva ve li 11, nova ameni vomaliko ve li o 20 oshoyo ovawapaleki ve li 12. 

Omunangeshefa ashiivika nawa Kambwa, oo vati a kala omuyambididi a kula moudano ou oule weedula 15, natango onghee ngaho a li eli pyakidila nokudana onghandala ya kula, ngeenge tashiya poku etela ovalandifi vomangeshefelo opedu ostoka yokulandifa popepi, opo vaha ye kokule neengeshefa davo. 

Kashikuka okwa ti aishe oya enda nawa, no ina va mona nande omashongo e va piyaneka. 

taimihaihambo2000@gmail.com