Omulumenhu weedula o 13, okwa tulwa moipandeko kopolifi mexulilo shivike, konima eshi ta feekelelwa oshibofa she dipayo lovanhu vavali, omukainhu weedula o 26 wedina Nacky Menatizick oshoyo okamona kadona , keedula  nhatu moshitukulwa shaMaheke. 

Omufeekelwa oo vati eli suuwala sha Menatizick, pefimbo loshiningwanima okwa hangika eli meumbo loo Menatizick,  pamwe nounona vaye vavali. 

Opolifi oya ti konima ashike yefimbo lixupi, ovashiinda vati ova uda enyenyeto pokati ka Menatizick nomufeekelwa. 

Manga veli mokati keenhangu, Omufeekelwa vati okwa pata ponduda opo muhadje omunhu tai pondje. 

“Nakufya eshi amona ita shipi vali , okwa undulila okamona keedula hamano mekende, opo kafadukepo ka kakonge ekwafo poushiinda,” opolifi tai hokolola. 

Ovashiinda vati ova uda konima yefimbo ova uda eenghuwo, noko nima vati ohaluka monduda omwatya filu.

Manga onduda ihadi eenghuwo, novanhu veli pyakidila tave li monifa oilonga, okamona kanakufya aka kapitifilwa mekende, vati oke  ka shatapo  ka yuka kopolifi kEpako moshitukulwa, opo kaka lopote oshiningwanima kopolifi, oko vati kadja neemwiya dashinana demufindikila meendelelo.

Eshi vafika poshiningwanima, vati ova hanga olutu la Menatizick lakangavala li hena omwenyo, nokamona kanangala pamwe naina kamonifwa oshiponga. 

Opolifi oya ninga onghendabala yoku twala okanona koshipangelo, ashike moku fika kwavo, okaana oka xulifa shaashi oipute ei katuwa vati oya li yaya moule. 

Nakulopota oshiningwanima kopolifi, naye vati okwa twalwa koshipangelo, shaashi naye vati okwa li atuwa noku monifwa oshiponga, manga ina pitifwa mekende afadukepo. 

Omalutu oonakufya okwa twalwa kokila y opolifi, oo nomakonaakono opolifi ota a twikile. 

-taimihaihambo2000@gmail.com