ONGWEDIVA- Lukas Nambalakata a shivika nawa mokapale onga DJ Nambalakata, okwa ti Desemba okwe mu endela nawa ngeenge tashi ya, koshikondo shomalihafifo koivilo ya yooloka molwashi okwa dja mo nodjato ya pama.
Nambalataka okwa ti okwa li omona omhito yo ku mwenyeka oivilo yo malihafifo oyo ya li tai dana onghandala pefimbo yomatango manene.
“Omhito ya kula yo kumwenyeka ovanhu okwa li nde i pewa kehangano lo Pst bet, ndi mwenyeke omauliko avo oipindi oo ali mOmungwelume oule womafiku ahamano,” ta ti.
Okwa twikila kutya oshivilo ashishe nghee sha tamekele oye ashike a li eshi li mwenyeke, nokwa kwashipaleka kutya aishe oya enda nawa.
“Ovanhu okwa li va holoka momwaalu muhapu molwashi ova panda oilonga yange,” ta hokolola.
Jason Washinana oo ali aka kufa ombinga momalihafifo okwa yandja olupandu laye shaashi okwa li a hafa mo shili.
“Okwa tya ngoo eengalo da li tadi danwa oda lelepo, Psts bet okwe tupa omhito yoo yoku kosha eetuwa detu koshali, aishe okwa li ya longekidwa nawa shili,” ta ti.
Nambalakata okwa ti nonande meifano lokukala ta mwenyeki ovanhu a kala mo efimbo lile, okwa taalela yoo natango omashongo a yooloka.
“Onda loloka ovanhu a va hava kala va hala okudinina ovanhu eengeshefa davo, keshe efimbo ovo ashike ve napo voo va hala alushe okunyokoma. Onda hala oku twa oombushe moilonga omukumo kutya ina mu kala vali ha mu tambula ovanhu tava futu ka shona shaashi otamu dinwa,” ta ti.
Okwa ti ovanhu nava fimaneke oilonga ya vakwao ndele tava kala hava futu oimaliwa yeli xwapo.
“Nena ngeenge omwa kala hamu tambula ovanhu venapo, omwa teelela ashike, eengeshefa deni di dinwe, doo di haye komesho,” ta ti.
Okwa twa yoo ovakwashiwana vaNamibia veli meifano lokumwenyeka ovanhu momikalo da yooloka va twikile oku longa noudinini, opo ashike oilonga yavo tai dulu oku va twala komesho.
