ONGWEDIVA- Eliaser Moses a shivika nawa Prince okwa ti okuudite etumba okukala ta imbi omaimbilo opamhepo molwashi okuna etumwalaka liwa la uka kovanyasha.
Okwa ti okwa tameka okuimba omaimbili ongosipela pefimbo kwa li e na omido hetatu.
“Paife onda pitifa omaimbili aahapu. Omaimbili ange ota popi kombinga yondjovo yakalunga nokuyandja ehongo,” ta ti. Prince okwa fatulula ta ti omaimbili aye ota yandje natango ehekeleko kovanhu ovo va teka omukumo osho yo ile va nyika oluhodi.
Omulumenhu ou oku li ngaa natango omudifi wondjove yakalunga mongeleka yavo osho yo okuyandja ehongo lombeli okupitila komalungula.
“Kalunga oye a pange oshitalendi eshi. Ondi na okushilongifa shaashi osha pumbiwa moshiwa,” ta ti.
Okwa ti ovanhu vahapu ove hole okupwilikina omaimbilo aye molwashi oku na omatumwalaka a wa nokwa fimana.
“Okuimba omaimbili opamhepo okwa pange omukumo wokutwikila komesho nondjovo yomwene. Okwa pange omukumo wokuyambidida pamhepo vakwatu ovo ve li moudjuu,” ta ti. Prince okwa ti opena ovanhu vahapu kwa li va teka omukumo ashike konima eshi va pwilikina omaimbilo aye ova mona omhepo iwa nokukala popepi nakalunga.
“Omaimbilo ange opamhepo okwa lundulula eenghalamwenyo dovanhu dihapu. Ohandi udu nawa ngeenge omunhu ta ti paife okuna ombili konima eshi a pwilikina omaimbilo ange,” ta ti. Okwa kumaida ovanyasha opo va twikile okukala nokupwilikina omaimbilo aye molwashi otave li hongo mo sha shihapu.
“Ovanyasha kaleni mu li popepi nondjovo yakalunga shaashi pomwene opawa nope na elao,” ta ti.
