Ehangano hali ungaunga nokatanga kokeemhadi loNamibian Football Association (NFA) ola yandja omadeulo kovanhu ve li 32 Omaandaxa kOutapi, ovo va deulilwa ouwiliki wetanga, omo mwa kwatelwa ovalumenhu ve li 30 novakainhu ve li vavali. 

Omadeuloooalianingwaoule womafiku atano, okwa kwatela mo oinima ihapu ngaashi nghee ovawiliki ve na okukala novadanitanga, okulonga novanhu va yooloka osho yo okukaleka po elandulafano nelongelokumwe mokapale, nopefimbo lomadeulo. 

Ovawiliki ava va mona omadeulo ova dja koitukulwa ya yooloka unene tuu oitukulwa yomonooli. 

Umwe womovadeulwa okudilila koshitukulwa shaMusati Ekondo Benjamen okwa yandja olupandu linene kovakulunhu vehangano eshi va li va yandja omadeulo e na ookatokote metanga ngaashi oo Jonh Sikerete, Kankondi Petrus osho yo Allexander Itumba eshi ve ya yo okuyandja omaunongo wavo. 

“Natu twikile nokuhanganifa ovanhu ngaha fye hatu twikileni oukumwe woludi eli,” ta ti. 

Ovakulunhu mowela woludi eli ngaashi ooItumba osho yo Sikerete, ova yandja omapandulo avo kovadeulwa vape, shaashi ove wete po nove wete oidjemo iwa lela tai ka dilila komalelo avo. 

-taimihaihambo2000@ gmail.com