Abraham Mwanyekange 

David Mulilo (51) omukalimo womomukunda Omhata mEheke moshikandjohoololo Ondangwa yokomikunda okwa ti paife okwa ninga omido 20 ta longifa okatemba keendoongi ongosheendifo shaye mwene shoku mu twala osho yo okuvatela ovanamikunda keshe apa va hala okuya. 

“Onde linekela meendongi dange nokatemba kange, ookatimukupulwa pale vange ovo!” Mulilo ta tange okatemba neendongi daye. 

Okwa ti fiyo onena ke shi eendado domatuwa okufelefula moitopolwa yokOwambo molwaashi ye okuya keedoolopa  domOwambo oha longifa ashike okatemba kaye keendongi, ta weda ko ta ti novanhu vahapu ohava longifa okatemba unene ngeenge va pumbwa oilongifomwa yavo keedoolopa. 

“Omadu, eesamende needalate oyo yomuimwe oyo handi tumwa luhapu keekastoma dange efiku nefiku,” ta ti. Okwa ti ngaashi kodoolopa yokOndangwa oha dulu okuya ko lutatu mefiku. Mulilo okwa ti okatemba kaye ohaka denge nawa efululu osho yo omeva nonghee ke na oupyakadi washa ngeenge a taalela oyo luhapu hai kandeke omatuwa. 

“Okatemba ihaka nu omahooli, inaka pumbwa okufendelwa, oshidjuu u hange ka kandoma  shaashi fiyo onena inandi kondama nako, eendongi dange ohadi nangala tadi li oufiku aushe, ohandi di landele yo omiti opo ndi kwatele po oundjolowele wado,” Mulilo ta fatulula oukwatya wokatemba neendongi daye. 

“Kokatemba onda hala okudja ko ndele ombongo itai wana ndi ye komatuwa,” te shi yolo po. Mulilo okwa indila kwaavo ve na eehambo di li kokule ndele itava dulu okufika ko nomatuwa opo ve mu longife molwaasho yee iha patekene no kape na apa itadulu okufika. Okwa ti okatemba kaye ohaka nanwa koowamululu voundume molwaaasho ovo ve na omafa nawa. 

-abbenghilai@gmail.com