OSHAKATI – Elelo lyondoolopa yaShakati ota li kumagidha aakalimo yawo opo yafute oondjo dhomeya, okuyanda eteteko lyomeya.

Elelo lyondoolopa lyOshakati olya ti olya tameke okutetako omeya gaamboka yena oondjo oku za Etiyali.

“Kehe ngoka inaa hala omeya ge ga patwe na fute oondje nena, oshoka ngele omeya oga patwa natango otashi ka pula oshimaliwa shoku ga patulula,” ya kumagidha ngaaka.

Elelo lyondoolopa olya shanga kutya aakalimo kale haya futu elongitho lyomeya nosho wo oondjo dhawo dhoka dhi li konima, okukelela omeya gawo ga ye moondjo ndhoka itaya ka vula oku futa, go taga tetwe ko.

“Otatu kondjitha elelo lyondoolopa kaali ye moondjo, oshoka ngele olya kala noondjo odhindji omeya mondoolopa otaga tetwa ko kuNamwater, shoka tashi ka tula ondoolopa ayihe muupyakandhi,”ya shanga ngaaka.

Taya ti, oshigwana nashi kale shina esiloshimpwiyu lyokufuta omayakulo gawo.

Taya gwedha po kutya, omeya oga simana, onkalo yomuntu kee na meya kayili mondjila yo kayi shi ombwaanawa, shoka taya ti inaaye shi halela nando omuntu.“Kehe ngoka itaaka gwanitha po eindilo ndyoka, elelo lyondoolopa ota li ka kutha onkatu ya hugunina, yoku teta ko omeya,”ya ti ngaaka.

Ya fatulula kutya, shoka okwa li yeshi eta po konima ya ndhindhilike kutya aantu oyendji oye na oondjo dhomeya.

“Aantu inaya hala okufuta omeya, netompelo kaatu li shi. Otwa ningi ethimbo ta tu tseyithile noku kumagidha aakalimo yafute omeya gawo, ihe yamwe natango oya mwena,” ya nyola ngaaka.

Nonando Oshakati ya tameke okuteta ko omeya, ompangu yopombanda oya ndjiki onyala mevi opo kaakutekwe we omeya gantu yena oongunga dhomeya.

Shoka okwa li sha tokolowa kompangu yopombanda shoCity of Windhoek a li a hala okutetako omeya gaakalimo yena oondjo dhomeya. 

vkaapanda@nepc.com.na