Namibiab ge ǂoa ge wekheb di Wunstaxtsēs ai ǁnā !hūgu hîa ge khobosis hîan Afrikab khoena Euopab !hūgu xa Amerikab ai ǁamaxūhe tsî ǁîn xa a ǀhonkhoe-aihe !nāmab !naka gere tsî ra sîsenūheba ǀamǀams !oagu ge hâ is !nâ nē !khaisa ra !khō!gâse ge ǁhûi.
Nē ǁhûis ge UNs Hoa!nâ-aixa ǂNûs tawa Namibiab tsî nau hâ 122 !hūgu xa UNs di mîǁguib hîa khoena khobosise ūs nî ǂkhawadīb ase !gara!āhe !khaisa ra ǂkhâ!nâse ge dīhe.
United States, Israeli tsî Argentinab hâgu ge hoarahūs !hūgu hîa nē mîǁguiba ǂharasa ge ǁhûibaga, ǁnāpagu ge 52 Europab ǀHûs di !hûgu ǁnā ǁhûis !nâ !âsa xu Wunstaxtsēs ai a ū-oasen hîa.
Nē mîǁguiba ama kais aoǁguib hîa ge Ghanab di !hūb di ǁûb, John Dramani Mahamab xa a dīhe tsî Afrikab ǀHûs, Caribbeab ǀHûhâsib tsî ǀnîkhamikō Asiab !hūgu xa a ǂkhâ!nâheb di !uru ǂâibasens ge, !nae!khaide ūhâ tsūdī-ain hîa ge Afrikaǁîn tsî naun hîa ǁgûsi!hūgu !auga sī hâna ge tsâǀkhān nî gowaǀîhe tsî nēs !nâ-ū ǂhanu-aisib, khoesi ǂhanugu, khoesis, nē tsû-aina xu ǂurus tsî mâ ǀgau-i ai ǀguis ka xawe mātareǂuihes tsîna.
ǁAupexa 400 xa a !nāsa kurigu !kharu hâsen ge Afrikaǁîna, Afrikaba xu !narihe tsî Amerikab !nâ khobon ase !apin, sugurib tsî kofi-i !hanagu !nâ tsēb tsî tsuxuba !gâi tama hâ, khoesi ûib !aroma mâsigu !naka gere sîsen.
Europab di khobon !aroma gu ge ūhâ i ǂgaudi ge 15ǁî hiodi !nâ ge tsoatsoa tsî Amerikab ǀkha 16ǁî hiodi !nâ khobon ase Afrikab khoen ǀkha ge ǂharugutsoatsoa. Nēs ge 19ǁî hiodi kōse ge ai!gû.
Nē khobosis !nâ ge ǂgāhe khoen ge !nāsase ǁAegub tsî Afrikab Huriǂoas !hūgu di ge i. Namibiab tsî nau !hūgu hîa Ghanab aoǁguiba ge ǂkhâ!nagu ge mîs ge, ǁgariǁgarisa ǂhâsib hâ !khaisa UNs di ǁani !hūgu nî khobosis ge Afrikaba a mâi!nâ mâsiba !hoaǂamsa, !gōsase ǀguitikō-o!nâsib tsî !haoǀgoras ǂnamipe.
ǀGaisase gu !hūga ra ǂgans ge, tsūdīgu nî !gâi!gâhe tsî hoana ra !khōǂgā ǀgauba hâsa omkhâisensa ra aimâise sao ra !âgu !nâ, ǁgau!nâs, ǂurusib, sîsenmās tsî ommās ǂnamipe.
!Khō!gâs nē aoǁguib dis ge nausa mâtikō maris nî mātareǂuihesa mî tama hâ, xawe ra aoǁgui UNs xa nî !khōdanahe Mātareǂuis ǂGaesa ǂnuwisa.