Opolifi mexulilo shivike oya lopotelwa noku patulula oibofa moiningwanima ya yooloka ngaashi omafyo momikalo da yooloka, omateyo omaumbo oshoyo elongifo lomapangwe. 

Omafyo 

Opolifi oya lopotelwa oibofa yomafyo ili omulongo. Vatano vomuvo ove li tuwa va xulifa omo ounona vavali veedula mbali na heyali va hangika meendama domeva omanga ovakulunhu vatatu va veli tuwa meenduda doku nangala koitukulwa yayooloka. Vatano va kwao navo ova lopotwa vakinifila eemwenyo davo momikalo doku li mangeleka oshoyo oku litwa neembele. 

Eteyo lomaumbo 

Moshiningwanima sha yooloka opolifi natango oya lopotelwa oibofa ili ihetatu inasha nomateyo omaumbo mexulilo shivike. Eteyo lomaumbo ola li unene la nyaa kehonga moshilando pangelo omo mwatewa omaumbo afika pu atatu, omanga akwao okwa tewa keedoolopa da yooloka. Moibofa aishe inasha nomateyo omaumbo, opolifi oya kendabala oku tula ovafeekelwa aveshe moipandeko, ashike omaliko aa a vakwa, kapena nande olimwe ladulwa oku momikapo. 

Omapangwe 

Opolifi oya tula ovakainhu vavali moipandeko nomulumenhu umwe, mekwatafano li nasha nelongifo lomapangwe. Opolifi vati oya nhofelwako, kutya opena ovakainhu vavali molukanda la Mondesa ovo hava kala nomapangwe momaumbo, nokonima opolifi oya ninga onghendabala ika hadeko, noku vatula moipandeko. 

taimihaihambo2000@gmail.com