Nonande ondado yomahooli yalonda, unene oku dilila oku Namibia haka teka omahooli molwa oita pokati ka Iran na Israel oyo ya kwata oilongo ihapu mounyuni, epangelo la Namibia ola pangela omangela opo li shunife ondado yomahooli pedu neepelesenda o 50. 

Ouministeli woikwamina nomahooli owa yelifa kutya epangelo ota li ka sha keneka oshiwana ondjila kati neepelesenda 50, kondado yomahooli oule weemwedi nhatu. 

Olopota yadja kouministeli oya yelifa kutya eshi unene sha etifa omahooli alonde kaishi oita, ndele eendjila edi eembautu hadi ende ngeenge da umbata omakondeina omahooli. 

Omupopiliko wouministeli Anna Salkeus okwa ti eembautu ohadi ka dingonoka kamataulukilo eli koilongo yokokule, tadi henuka oita ei ili pokati koilonga ivali Iran na Israel, shaashi ondjila ei hai pitwa oili shito oili pokati ka Iran na Israel. 

Okwa ti odola ya US nghonopala nee nghono kodola ya Namibia, nepangelo ola kala tali longifa oshimaliwa shihapu unene ngeenge tashiya pokulanda omahooli. Nonande epangelo la kufako eepelesenda o 50 kondado yomahooli, ondado yomahooli natango oya teelelika ika londe, ashike otai kalonda ngaho shili xwepo. Okudja mo 1 April 2025 omahooli o petrol ota akala ena N$2.50 Diesel N$ 4.00 omanga mo Walvis Bay omahooli opetrol ta a kala ena N$ 22.00 omanga odiesel 50 ppm tai ka kala ina N$23.63 yoo odiesel 10 ppm tai kala ina o N$ 23. 73. 

Namibia okwe li kolelela ashike komahooli oku dilila kondje yoshilongo, nouministeli oweli pyakidila noku tula omalundalafano peenhele, nongeenge aishe oyatipo xwepo, omalunduluko okuna oku ningwa. 

taimihaihambo2000@gmail.com