Heather Erdmann
Oritjavari otupa tjiva twa Tjomuise twe rihakere kovandu mbu ma verarakana omaze tjinga ovature ava keurire potuveze two ma pakerero womaze womomatemba okupakera omatemba wawo ngunda oprysa yomaze aihiya yeruruka no N$2.50 mo riÞera momurongo nambari youÞuku wa Ritjavari utaukire Oritjatatu.
Onew Era yaya takanene potuveze pekepeke two ma pakerero womaze motjihuro ohongora. Ponganda indji yOmurari wOsasiona, omunane wayo Altta Folscher, watjere omayerurukiro womapaherero womaze yari omatanane tjinene. Oruveze romapakerero indui oro ohapo meyuva ndu pakera ozoriÞera pokati ko 10000 nganduu 11000 meyuva, eyuvando rwa pakerere ngandu kozoriÞera o-25000 otjovanamatemba tjaa tjiva rarakanene okupakera ngunda oprysa aihyayerwa.
Omaze inga omakande yayerurukire no N$4 mo riÞera tji tja twiire omaÞunÿu nozongetjefa kehi yombameno rukuru ozo nai nde parakata mena romayerurukiro wozoprysa zovihepwa vyehupo. Ovanamatemba tjiva tji ma vehara oku kayendumuka mozombotu zouvi nozondjo oku kapakera omatemba wawo ngurova tjandje otupoo twomatemba woveni mbu ma vekondjo okupakera tjandje konokuhungira ape ozoiri tji ma ze katjombongera omuvyu wongurova. Tjandje nao otuteto atwa utu rukuru ape mozoine zomapeta. Onganda ombakere yomaze indji Opuma ndjiri pomahakayeno womirari imbi Ohosea Kutako no Pasteur momaturiro wa Tjomuise inga nge tjiukwa otjo Tjomuise kOmanene, ape momuvyu wongurova nganduu Oritjatatu muhukomunene tjandje ape ozopomba mbari uriri ndu ma zeungura.
Otuteto two vapakere ponganda yomapakerero indji Ototal Energies mOmurari Ombara Justus Garoeb momaturiro inga wa Tjomuise kOmanene wina tjandje wina ngurova mozovyu nao kono kuhungira. Tjingetjo ponganda indji ndjiri mondivitivi yotjihuro ape mene yOK ndjiri mOmurari wOngutukiro tjandje kapena oruveze mondjuwo yovayenda okupakera omaze.
Mena rotuteto apehe pomapakerero womaze motjihurom pu itwo tu twari kamwaha ozoiri indo ngunda tjiva oveni vato ave to patererere wina kutja veunndje eyuva ependukirwa indi Oritjatatu, oveni vomatemba oivengi vakatire okumuna kokutja apehe petei. Okuta okkundja nganduu Oritjatatu pryse tji ya yeruruka. Pendje no mundu okuuhara ama morosa omazze ngu wa sewa nawo tjinga nambano omaze ama yehepa oku ungurisiwa ouheņa.