Minista wopaungoba nomakwatafano opamhepo Emma Theofelus okwa ti momutumba wa landula ko, Namibia naSouth Africa otava ka shaina etwokumwe mekwatafano lokuyandja oilonga kovakwashiwana vaNamibia. 

Theofelus eshi okwe shi popya pefimbo a li ta yandje ouyelele u na sha noikundwfanwa yokomutumba wopashiwana. 

“Eudafanotwokumwe eli oli lile po yo okunghonopalifa ekwatafano pokati koilongo ivali, oshoyo etwomukumo la pama mokuyandja eemhito do oilonga,” Theoufelus ta ti. 

Omutumba wopashiwana owa shilipaleke ominitsa youyuuki Immanuel Wise a shaine eudafanotwokumwe eli. 

Namibia oshilongo shimwe shi na ovanyasha va nongekwa vo ova deulikika okudilila koiputudilo ya yooloka, ashike ovanyasha vahapu ove li momaumbo needjapo davo meekofa. 

Eshi ohashi etifa vahapu va dule okukala va dimbwa eshi va deulilwe momaifano avo koiputudilo, shaashi ohapa piti unene efimbo lile vehena oilonga. 

Neudo oshikumungu shedjalo lomanguwo omokufu oku dilila koiputudilo ngaashi NUST, UNAM, oshoyo IUM osha djaleka ovanhu omanguwo vafika po 10 000. Ashike natango oshilongo osha teelela olweefo lutivali olo tali keya mu Sepetemba, natango li waimine ovo nale veli momapandaavanda vehena oilonga. 

Theofelus okwa ti edilaadilo tso kumwe eli ota li ka kafwa oshilongo mokalo yokuhaena oilonga. 

“ Oku tya nghaho ota li kadengapo oluhepo momaumbo, otali kadengapo lamalipulo enasha noilonga oshoyo oku yambulepo eliko loshilongo,” ta ti. 

-taimihaihambo2000@gmail.com