Ongwendiva
Mulauli mwa likolo la lisebelezo za limunanu, Milton Maseke, u talusize kuli litukiso linze lizwelapili kutumusa kufeliswa kwa zuho ya butuku bwa Taku ni Mulomo mwa libaka za bulimi bwa sizo bwa Upa (NCA), kacwalo tumuso simubuso i libelezwi kuba kwateni biki yetaha la Butanu.
Maseke u ize mihato ya kamaiso mwa sikiliti za Zambezi i tabe izwezi-pili sina kamita. U ize, sisupo sanaha sa bakatengo kamakete kalifasi mubu, kalumelela kufa tibelelo ya likweli zesilezi kuzwa nako butuku bufumaneha pili tumuso ya kufela kwa butuku i sikatumuswa kale. Kuamana nitaba ya libaka za bulimi bwa sizo bwa Upa, piho ya mafelelezo nefumanwi kala 22 Sikulu mwa silalanda sa Etayi, sikiliti sa Omusati.
Kubaliwa likweli ze silela kuzwelela 22 Sikulu 2015 pili sibaka sisikatumuswa kuba sesikenile kwa butuku bwa Taku ni Mulomo, a talusa. Nihaike kuli nasika talusa kuli piho ya mafelelezo ya butuka bwa Taku ni Mulomo nebile kwateni lili mwa sikiliti sa Zambezi, yeli kalulo yekauhani ku yalibaka za bulimi bwa libaka za sizo za Upa, kono mihato ya silelezo kutibela kuyambalakana kwa Taku ni Mulomo i tabe izwezi pili kufitela kusina piho niyekana yetafumaneha. Mabotela afita kubolule a milyani a konilwe kusebeliswa kutaba limunanu ze lule kaze mianda yemibeli kusimulula butuku bwa taku ni mulomo bubutuka. Milyani nesebelisizwe kwa likomu ze mwa Namibia kungelela ni zesebelisa mafulelo a kusila museto wa Angola. Maseke natabisizwe kiswalisano ya balimi kuzwa nako ye butateka butuku bwa Taku ni Mulomo makalelo a silimo sesifelile.
“Ni fitisa manzwi a buitumelo kwa balimi kalibaka lakuli bana ni kutwisiso ni zibo ya butokwa bwa mupendo,”a talusa. U ize, mupendo wa makalelo nefumani palo-tuna kubapanya ni wa bubeli. Mupendo wa makalelo neutabisize hakalo, kono neusikazwela-pili cwalo kalibaka lalinanga leli talimanwi nilona, kalulo ya mupendo ya bubeli nebile ni butatanyana bakeni sakuli limunanu nelifokola ni kupalelwa kuyema ni kuzamaya. Nihakulicwalo balimi nebana ni chiseho luli.
Balekisi banama famakululu babaikopanyize ni ba mutende wa New Era cwale-cwale fa, kuamana ni muhupulo wa kunanula mayemo a butuku bwa taku ni mulomo, bafitisize nyakalalo, kakutalusa kuli i tabe tiyululo sakata mwa ndwa yabona ya pisinisi mwa bulimi.