Otjomuise
Kaku urumisa poo omambo omungandjo uriri kutja ndoovazu ko murungu wa yevari ku Senina¿i ombura indji ohoromende yOvandoitji kaitjitire po otjina tjimwe poo tjarwe tjo tjivara ke ningira ro zo ndekurona vaimba mbaÞa mo vita vyo ku yandeka vyo horomende yo huurire yehi rOvandoitji, ongondjero yo tjisuta maitoor omuhunga warwe omutwe.
Ombara otjitambi yOvaherero,Vekuii Rukoro matja. Oritjavari eye wari nehungi kunorupa ro vi perendero mbi nyinga nyinga ro Namibian Broadcasting Corporation (NBC) mo ma pitisiro inga Omundu kOmundu (One on One).
Omu sembamise wo ma pitisiro inga, Kazembire Zemburuka, mu vyarwe ovingi wa vangere oku zuva mu Rukoro kutja tjii hapo omayuva inga yevari ku Senina¿i ka yena okuya aye kapita nokuhina otji¿a tjo mu ngunda tji ma tjitjitwa mo ngondjero yo tjisuta? Mu tjimwe tjo vi¿a vyo mungunda mbya tamunine yaro mo kutja otjiwa¿a ma tjikatura mo mumurungu wOmberoo yo mu Kuramenepo wehi rOvandoitji mo Namibia no kuumba omai omavihu oku raisa onyengo yavo yo ku rangaranga no mutenga mbwa toora ohoromende yeho rOvandoitji ohunga nOtjiÞiro Otjindjandja nOtjisuta.
Katji ma pe tjitwa Rukoro watja nu paso oku tjiukwa kutja omayuva ingo kayena kuya aye kapita tjo ndoovazu ohoromende yehi rOvandoitji kai ziririre keningira rovandu ve. Tjimwe poo tjarwe ma tji tjitwa nu okuzambo ongondjero yOtjiÞiro Otjindjandja kaina ku kara otja tjiikara tjinga okuzambo otjiwa¿a nambano ama tjirumbire ongondjero indji kosaneno yarwe.
Okuza ku rukuru mo mautiro wombura indji, Rukoro tja pa ohoromende yehi rOvandoitji nganduu mu Senina¿i tjiyeri yevari, ngamba keya rora oku raisa kutja tjii hapo ohoromende tjii haziririre keningira ro tjiwa¿a, hapo otjiwa¿a ma tji tjiti tjike poo ma tji tjiti vi? Ovapyuke mongondjero indji omweze imbwi vaire kehi rOvandotji nOrovaingirisa mongondjero tjigeyo. Tjinene nene kehi rOvaingirisa oku makuhara oku munika okandjerera kutja ngahino ongondjero indji nambano maitoorra omuhunga warwe. Otjimbumba ihi tja kahakaenene nozohahende, ovatjiwe voveta vawina ovana unongo moviÞuka ungura vyo moruveze rovita. Munao otji ma pemunika ayo ngahino ko mayandero woruhoro maku munika okandjerera poo ngunda orukuru ihi ngunda otji¿a otjiwa¿a tji ma tjiso oku taÞuna kuna ovatjiwe vozoveta nÿatjama no mauhazendu movita no mausemba wovandu movita. Mouyenda imbwi ova hindwa peke peke oku vakaharere vangara very pamwe tjinga aa vehungire eraka rimwe otja tji vehungira. Vari amaveso kutja tji va kotoka konganda mavekara no mbongarero imwe yozombuze nu gwari apehakara nao. Otja ko mazuvira omuhunga omupe imbwi mbu mapeya autandwa okutoorwa oku tuurungira mo zo hahende ovimbumba mbya kahakaenene nazo mo Londona, matji hepa ombwaneno, oma sekameneno tjimwe no ku hungira eraka rimwe.
Munao ozo hahende inÿa otji za kondjere okuhaamisa ovimbumba imbi pamwe mu mwa munikire ombepo ayo ndji maitjama koupamwe nandarire ovimbumba tji vya kotoka konganda oku utira pombongarero yo zo mbuze.
Ouhumandu ovyombo vya ngunda avya ha¿ika otjo kapyona noina otja tjivi kara.
Posya Rukoro mo ma pitisiro inga ngata munwa rukuru mo mu rari wo NBC matja ombango kaisere oku yandjwa ko kutja kave karere no mbongarero yo zo mbuze imwe. Matja otji¿a otjinene ku kwa serwe oku yandjwa omasa okoo kutja ngunda ovimbumba imbi aviri vivari eraka rao motji¿a ihi irimwe kavi¿a puvi pitasana.
Ngunda aperi nao pa zu vakere omambo ngu maye pose ayo ohoromende yehi rOvandoitji ya itavere kutja ovi Þukaungura vyo horomende yehi indo tjingero komurungu wayo mo huurire, OtjiÞiro Otjindjandja. Rutenga pa tengere omuhaamsie wovihavero wo ndjuwo yo zo veta yehindo, Onongo Norbert Lammert, ngwa raisire nao.
Tjandje nao otjimbumba tji tjaire kehi rOvandoitji oku ka hatoi omayandjero worutuu romutjemo indwi no kuyandja oruvara kotutu twopendje nohoromende katjisupi Operesidenda yehindo, Joachim Gauck, wazu nokupanÿa oku yakura orutuu romutjemo rotutu two pendje nohoromende itwi. Kombunda ye kwa kongororere omu hungirirepo kotjiveta wohoromende yehi rOvandoitji, Martin Schaefer.
Posya ovi mbumba vya Namibia kavina omaundjiro ne nyune ndjasana mo ma zuvira inga. Rukoro matja ngunda omaraisiro inga ama yepitire mo vandu mehi rOvandoitji kutja vena ovikee viÞo vyo vi vangwa peke peke vyo horomende yehindo, kayena omaheya wo ku yandja onyune. Nungwari orondu ndoovazu Ondjuwo yOzoveta ya toora ombepo ndjasana ingo nu wina ohoromende yehindo oku tuurungira mu umwe wo vihako vyo kombanda mbanda nu wina mo matjangwa noho, tji ya raisa nao. Munda imbo warwe tjiva morukosi rOtjiÞiro Otjindjandja mavetja makuutu okumunika okakamba meyuru nu mapeya harukuru eta mariye kuwira pehi mOtjiÞiro Otjindjandja.