Windhoek
Kuzwelela kubutuka kwa butuku bwa taku ni mulomo, ba kalulo ya kamaiso ya limunanu ba lilimanisize kuhaniswa kwa kamaiso ya limunanu mwa sikiliti sa Zambezi, kono kubeilwe kemiso ya kamaiso ya nama Mbowela wa lukwakwa lwa limunanu lwa cordon.
Muzamaisi swalelele wa Meatco kwa Oshakati mwa libaka za upa za sizo, Obed Kaatura u ize, akuna litaba zenca sina mabeyelo a muyaho wa meatco mwa Katima a likani feela, kacwalo libeyelo la libatisezo litaba litezi haiba libulaelo inge lisebeza likweli ze peli, mukwa o kabatiseza Meatco kuyemisa lisebelezo. Meatco kwa Oshakati niyona isali kukwalwa makalelo a silimo kuzwa kutumuka kwa butuku bwa taku ni mulomo mwa libaka za sizo za Upa. Thokozile Mdlalose, sibuwabuwi wa Meatco u ize, Meatco ilela kukwala lisebelezo kufitela nako kuka lumelelwa kamaiso ya nama mwa libaka za lukwakwa lwa limunanu lwa cordon. Musika wa mwahali ko nama i lumelelwa ku zamaiswa u sebelisa feela lipesenti ze mashumi a malalu kafo buňata ki za mayemo a fafasi, ze cwale ka za mwa mba, nama yezwakani, ni masapo. Ye siala ya lipesenti zefita fa 70 ya nama kaufela i swanela kubulukiwa mwa Windhoek ni Wavis Bay. Lufitisize pilaelo yeo kwa likolo la Njimo, Mezi ni Mishitu, hamoho cwalo ni ba kalulo ya limunanu mi lusali litezi kalabo,” kwa ekeza Obed.
Ba eteleli babamwi ba sizo ba kupile likolo kwa lilimaniso ya kuzamaisa nama mi kulelilwe kuba ni mukopano ni ba mayemo a pahami kuzwelela kwa likolo, kalulo ya kamaiso ya limunanu, Meatco, ni Meat Board mwa biki ye tatama.
Likwambuyu wa Njimo, Mezi ni Mishitu, John Mutorwa, u tafa tatululo fa taba ye. Ba kalulo ya kamaiso ya limunanunu ba tumusize kuli likiliti ze cwale ka Ohangwena, ni Oshikoto lisana ni butuku bwa taku ni mulomo.
Kacwalo Likolo la Njimo likupile balimi kuambuka ku zamaisa likomu, lipuli, lingu, likulube ni lifolofolo za naheňi kapa lika zemwi ze kona kuyambukisa kapa kuyambula matuku, kukenya mwahali a libaka ze taselizwe kale, kuzwisa kapa kuisa libaka zemwi za Namibia.