MoWindhoek-Vadivi veyi yokuhamena upolitika kunakuyimona asi nombunga dimwe kapi daruganesa siruwo sawo vaze kovantu vavatantera asi vavahorowore ndi asi ngano yinke navavahorowera. Ngesi awo kuna kara nye nowoma asi momahoroworo nye gana kuwiza moutano ou wopinduko yinke navakagwanamo.
Gumwe gwawo Fanuel Kaapama katente asi nombunga dononsesu tupu daza konomukunda nadinye, ndi ngano asi vakare nomapongo monodoropa edi dakara mosirongo, awo mokunka asi ngano vaze nye konomukunda nadinye awo kwagusa tupu kuza konomukunda mbali ndi zimwe ngoso. Eyi kunakumoneka asi kutanta Yuma nampili ngano kombunga politika. Eyi kuna kureta nye mapuliro asi sili kuvhura olitumbure asi epangero vana kundindira ndi kuna kuuyunga tupu. Nombunga politika dononzi kwahara nkenye apa kukahundira vahorowoli siruwo oso asi mungura mahoroworo, yimo ana kutanta Dr Hoze Riruako. Riruako katente asi kuwapa nsene asi siruwo nasinye ove kudingura vahorowoli yivhulise asi kukumona ntudi siruwo somahoroworo ntani. Mokumona nye asi vantu vetu kapi vana kara neharo nawa-nawa lyokuza vakahorowore, ame kuna kuyimona asi nombunga mpatanesi dahepa kurugana kutunda kehoroworo limwe dogoro lyokukwamako vahana kupwizumuka. Kugwanekere novahorowoli yina kara mulyo unene, yipo asi vantu vetu vakare neharo lyokuza vakahorowore. Yimo ana kutanta Riruako. Kapisi ngwendi mwanare, ngesi vanambudi kuna kukara poyingongi nayinye yankenye mbunga politika ntani kapi panakara asi vamwe velike vana kugwanenamo uwa. Ntani kuna kara asi makondjero kunakara gana manguruka kwato eninkiliromo nkenye vamwe yina vamangurukire kuza oku vanaseyere.Kwato mbunga politika ezi nazilira asi kapi vagwana vanambudi vavalikide kovantu navenye.
Mokutwara komeho, kugusako nye eyi gaturapo NBC, mbunga politika zaSWAPO azo yipo nye kazitokwere kufuta NBC, yipo asi vantu navenye vahepa kuyimona moomu yina kuhoroka ntani epongo eli kalikere lyenene lyokugoza yigongi yawo yoyinene mokukondjera yipundi ntani asi vakatwikire epangero kutwara sirugana sawo. NUDO age kwafuta tupu koNBC, Otjiherero yipo asi vasike kovantu vawo. Riruako katente asi nombunga mpatanesi awo kuna kuuyunaga eraka limwe tupu, kuna kupa tupu umbondo mbunga mpangeli zaSWAPO. Awo vana moneka nare asi kwaton eyi vana kutanta nepu vakara asi yiwo vana kukagusa epangero, ngano vamwe ngano vahepa nye kuwizapo nomaganao peke kuvhulisa aga gakara nago SWAPO. Ngapi nye natumona asi valisiga? Vahepa kulikida yopeke kapisi yiyo vana weke vakwaawo. Vahepa kuwapukura nongendeseso yipo asi vatantere vantu asi yinke ngavakarugana. George Mayumbelo, nage katente asi kapisi ngwendi mwanare, mohoroworo aga kuna kara gompora navenye kuna gwana siruwo nonompito varugane. Twahepa kupandura vantu vetu kweyi vana rugana ngesi. Kuna kumoneka nawa-nawa asi mbunga zaSWAPO, tazikafunda mahoroworo aga. Age kuna kutanta eyi morwa nomunga dimwe mapongo gado kwamonekere asi kapi pwakere vantu. Kuvhura yika moneke nawa nokutara asi DTA ngapi nakatundamo momahoroworo aga. DTA kuna kumoneka asi tagagusa vantu wovanzi kwaNUDO morwa Nudo kwato nawa nawa garugana. Nudo kwazumbanese kutunda tupu apa gatusiga hompa Kuaima Riruako. Kaapama nage katente asi nomfa daRiruako hawe kawreta udona kombunga zaNudo. Gumwe nage kakara noudivi kuna Ndokotora, Andrew Niikondo katente asi: upolitika wetu una kuru mwanyamwetu ntani novantu vetu navenye. Nokutanta asi kwato umbondo wahorka siruwo sokukondjera kugwana epangero. Nokugwedako asi nombunga dimwe kwamona siponga morwa kapi vana kara noyimaliva yina gwanene asi nganop varugane nawa kwena yinye yavatumbukira siruwo somahoroworo.