OTJOMUISE- Kombunda ape ozombura hamboimue yovoposa moviozombanguriro, orupa rumue rotjiwa¿a tjOvambanderu ruakumamene okutuirisa Kilus Nguvauva otjombara yaro omayuva womasuviro inga.
Nguvauva, o Ministera yOkehi yOviungurua nOvitoore, mayarukire poi eh omuyaruke Ombara Munjuku II Nguvauva nguaÞa mo 2008. Eye omuatje erumbi outjavari womuyaruke Ombara Munjuku II. Omatuirisiro omayuva womasuviro inga yakongorere kombunda yaindu Omupangure wOtjombanguro Tjokombanda Collins Parker omueze mbuazuko tjaraa kutja o Ministera yoMananeno wOtuokondua nOzongomainde, Omakuizikiro wOmaha nOmekurisiro wOkozombanda, o Majora Ngenerara Charles Namoloh nain nguatua otjiyoke pehi otjo Major Ngenerara, mayakure omaningiriro wa Kilus Nvguvauva otjomuni nguasere okurumata otjihavero tjOmbara yOvambanderu.
Otjirua tjotjihavero tjombara tjauta okuza indu Kilus Nguvauva, nguri erumbi ra Keharanjo II Nguvauva tjatjita omangiriro ko ministeri okupaha omazemburukiro tjigewo otjombara yOvambanderu otjomukekua. Keharanjo II watoora omuinjo we omuinjo tjri turika mondjuwo ye momaturiro inga o Khomasdal mu Kozonjanga tjiyari 8 mo 2011. Okuzambo Kilus Nguvauva otjavaza Otjombanguriro tjOkombanda nomaningiriro metjiningira okuraa Namoloh okuyakura omaningingiriro nokuhina omaimbero wokomurungu. Kombunda yondiro ya Keharanjo II, Aletha Nguvauva- ina ya Keharanjo II- watuirisiwa iyorupa ruarue novayandja ruvara otjomuara wOvambanderu. Omukambo imbui watuara kotjiposa tjarue mOtjombanguriro tjOkombandambanda pokati ka Kilus naina. Kilus wapiti omutaare indu Otjombanguriro tjOkombandambanda tjiyari 18 ku Ngarano mo 2013 tjitjanambirahi omaarurakisiro wotjiposa iyOmuara Nguvauva nOtjiuru tjOvahona, Erasus Kahuure. Oruveze indo Otjombanguriro tjOkombandambanda tjamuna kutja kapena ouhatoi mbuayenene okuyandja omasa kuwo okuritjakana motjiposa ihi tjitjahitisirue i Keharanjo II nu Kilus Nguvauva atjiti omaningiriro omapirure.
Omuara nOtjiuru tjOvahona vatjita omaningiriro kotjombanguriro tjOkombandambanda kombunda yaindu Otjombanguriro tjOkombanda tja Tjomuise tjitjevepata ousemba wokuritjaka¿a motjiposa rukuru tjitjaningirua i Keharanjo II kourike we. Omatuirisiro wa Kilus Nguvauva yeri po Komando yOvambanderu Ondenga (1) ndjitjiukua nawa otjo Mimbonde Vitano mOmauezonjanda mEpukiro mOrukondua rua Maheke.
I Kuzeeko Tjitemisa