OMAUEZONJANDA- Omakuruhungi yatjitirue omayuva womasuviro ngazuko pomayambero wa Tjimana muno indu ovanane votjiserandu tjivatuiire omunue kembo kombuanekero yerapi rotjiserandu ra Otjomuise.
Nai erapi rotjiserandu mOtjomuise riungurira kehi yozomberoo mbari, imue kehi yOngeneraraVerematjara Festus “Majora” Kamburona nayarue kehi yOngeneraraVerematjara Kuseueendo Kambirongo. Ozo OngeneraraVerematjara inÿa azeembari onÿawombororere ovanane varue vokombanda verapi okutua ominue kembo komeriyandjero kombuanekero yomarapi aveevari tjivatuakere ominue kembo kotutuu tuvari peke peke tjazumba avepimbasana otutuu itui.
Omatuakero wominue kembo inga yakongorerere ombongarero yovanane verapi ongurova ya Roviungura mo komando yerapi rotjiserandu muno pupari ovanane verapi vovihako peke peke ape 27. Ombongarero indji yazuvasanene kutja OngeneraraVerematjara Kamburona mayaruka ko kOmando ya Tjomuise Ombari yErapi rOtjiserandu kehi younane wo NgeneraraVerematjara Kambirongo eye ngumayakura Ongenerara Verematjara Kamburona otjo wo kombanda ye nokumupa ondengero ndjemupuire otjo wokombanda ye. Ombuaneno yerapi indji maiseraerekua nomariro wongombe. Ihi kaa tjikando otjitenga erapi okungara ra wana tjinga mo 2009 Kamburona aayandja ongombe yokuseraereka ombuaneno yearapi. Kutja ombuaneno indji yakayanda pi ngahino ovahona oveni maveitjiwa?
Omakuruhungi womatuiiro womunue kembo kongutasaneno yombuanekero yomarapi yahatoirue iyozombara peke peke zOvaherero nOvambanderu novevekuramenepo vawo mbakarere pomayambero oetja 47 yonganda ya Tjimana ya Karambi. Muzo muari Ombara yondua ya Karambi oini, Turimuro Hoveka, Ombara Otjitambi yOvaherero, Vekuii Rukoro, Omuara Ombara Otjitambi yOvambanderu, Aletha Karikondua Nguvauva, Ombara Sangiro Kangauatjivi yOvakuruha, Orata Onene yOuvara wOndjuwo yOuhona wa Maharero, Hau Katjatenja Hekemo, Otjiuru Tjovahona, Tjiundikua Kahuure, navarue.
Ovengi pomayambero inga varaisire ondjendo norutjindo rondua ya Karambi ndjari kokutja yahongorera orutjindo rOvambanderu nOvaherero okuyenda kEpukiro uriri nunguari otjo nganda ndjakekua iyovambanderu okuvetjindisira kEpukiro okuza motumba tuohuurire yOvandoitji omuyaruke Ombara Otjitambi yOvaherero oruveze indo, Katjikururume Hosea KuÞako tjatuara orupa rumue repaha ra Tjiute eheka, kOmongua.
Omakuruhungi wondua indji mayeundjirua okuhandjauka mOtjombanguriro tja Tjomuise Tjokombanda otjiposa tjondu indji tjokuzemburukua iyohoromende otja ndjii onguatera ya Pukiro tjimatjihaama ombura ndjimaiyende mu Tengarindi.
I Kae MaÞunÿu-Tjiparuro