WINDHOEK – Likolo la Makete ni Pabalelo Mabani likenisize bo kusweu bayahi ba Kongo ba ketalizoho bao bakeni mwa naha Namibia isi kamulao ka kusebelisa miseto ye sikazibahazwa kuba ba bakenile kwa butuku bwa Ebola kuzwa ba tatubiwa.
Bana ba Kongo bane basika zibahazwa bangelela baana, basali, ni banana bao ba akalezwa kuli ba zamaile kuzwa naha DRC ku pazulula Zambia ka limota zetuna za libyana ni kukena mwa Namibia ka kushatuka ka mukolo. “Lukeni mwa Namibia kuzwelela Sesheke ka kusebelisa mukolo kusila Lyambai ni kukena mwa Katima Mulilo ka la 29 Yenda,” kwa bulela yomumwi ku bona ya na izibahalize ka libizo la Gabriel Manga.
Ne ba kwezi mota yemwi yetuna ya libyana kuzwa Katima Mulilo kuliba Windhoek mafelo a Yenda basina mapampili a balumelela kuba mwa naha.
Babeleki ba muuso ba zibile biki ye kuli sikwata se nesikeni mwa Namibia ka kusebelisa makenelo a museto osika zibahazwa nako ye bapotela Likolo la Litaba za Mwahali a Naha ka kuyo kupa buino ka bubalehi kuli bafiwe maino kwa kambe ya babalehi ya Osire.
Nako ye bayofita ba New Era kwa Likolo la Litaba za Mwahali a Naha ni Bazamai, muoki ya chilaukile, Maureen Hoes, na tatuba sikwata seo ka alimumwi ka alimumwi ka kubatisisa lisupo za butuku bwa sifanu bwa Ebola bo bukona kubitula batu ba 9 mwahali a batu ba lishumi. Ka litohonolo, na ize sikwata seo sibulela kuba lubasi lululumwi sikenisizwe fokusweu kuli bainzi mwa mayemo a makete a mande, kuzwa nako ya mazazi a mashumi a mabeli ka lizazi lililimwi inze babeilwe mwa lukwakwa.
“Bainzi kwa lineku lelikenile kalibaka lakuli nebali mo ka mazazi a fitelela mazazi a mashumi a mabeli ka lizazi lilimwi (21) kusina sisupo sa butuku,” Hoes a talusa. Commissioner wa babalehi mwa Namibia, Nkuruma Mushelenga, u file mamela kwa bakwaezi ba limbayambaya ze tuna kutokolomoha kukenya batu mwa Namibia kusina kuipiha kwa babeleki bababona za bazamayi bao batatuba ni kubatisisa Ebola.
“Ba kona kuzekiswa haiba yomumwi inze a fumaneha kukenya batu mwa Namibia isi kamulao. Batu bao ba taha ka lipizo fa mafoni kuba habo bona bao bafilwe kale maino kwa Osire, kaku ba taluseza kuli ka maino a kwa Unite State of America, Canada, Finland ni Australia,” a talusa.
Ebola i utwahala kuli se yundisize batu ba likiiti ze ne (4000) mwa Wiko wa Africa kuzwa butuku bubutuka makalelo a unumwaha.