NBCs ge ǁkhawa go dīhō, ǀnî tarekhoesa ǂhâǂhâsa !harodi di ǀguisa !hū!nāsi ǂhôaǂui!khaib tawa nî !khōdanase. Nēs ge !gôab tarekhoedi dib hîa ǂhôaǂgares !oabade ra ǂgaeǂguidi diba 60%gu ai ra mâi, ǂgaoǀkhāsa 50-50 persentgu ǂnûǁkhaebasa !kharu hâse. !Nae tsîs ge ǁîsa Botswanab !nâ ge kaikhâi, xawe haka kurin ǀguina !hūb!noras khao!gâ !kharu tsî Namibiab ǁga ge hā tsî A. Shipena Sekondere Skoli tawa skola ge dītoa. ǂKhari !garo!ǀkharib !nâs ge Xanagas ti ǀon hâ !garo!ās ai a !nae, xawes ge Matundusa nēs xas tsîna ǀgam !nāra ǁkhau kaisen tamase kai mîǁguiba ū tsî Namibiab di dana!ās, ǀAeǁgamsa nî ǂanse ge hā.
ǂGoms tsî tare-es ge ôaǀkhō !khaisas ge ǀuru tama hâ i tsî tsēkorobe gere !kham !khai-i ai n sīse xui-aos ge ǀûsen tamase ǂhā!kharu tsî 1997ǁî kurib !nâ Tirelo ya Setwana ǂhôaǂuis tawa ge !gaehe. ǁÎs ge Setswana gowaba Botswanab !nâ ǀgaisase ge ǁkhākhākhâisen tsî ǀgaisa ǁkhāsiba nēba gere ǁgauǂui tsî nēs ǀkhā NBCsa guis khami ī !ao!gâ-i tsîna ǁîsa !gaes !nâ hâ i.
ǁÎs ǀgaisase tsî ǀguixase sîsens ge senior !haros kōses ge ǂnûikhâihesa ge !aroma. NBCs ge 2000ǁî kuri !hūǁî gowagu di ǂhôaǂuisa NBC ǂhôan !âb !nâ a tsoatsoa os ge îsa ge ǂguro tarekhoe i Setswanab ǂhôan !aroma sao ra aore khoegu ǁaegu; Moshe Baitsiweb, Conrade Serogweb tsî Pack Molakeng hâgu ǁaegu.
Danab Tirelo ya Setwana ǂhôaǂuis dib, Bonnie Dineo Mokhatub ge ǁîb di dâba ge ǁkhae ǁoa-i nē ǂhôas xa tsî sao rase ǁîb di sîsenǁares Matundus ǀkhasa sao rase gere ǂâihō: “Tita ge Marinasa ǂkhamkhoes ǀgaib xa ǀoa hâs ase ra ǂâihō sida tawas ge sîsentsoatsoa ǁaeb ai. Kaise !noesa, !hae ǁkhākhāsenaos, xū-e dîsa ge sau tama hâ i tsî ǁkhāǁkhāsenǂ gaoxasiba hoaǁae gere ǁgausa.
Dīsās nî tsî ǂgōǀauhes kara, o ǁaixa tamase, “gangans ǀawemās tsî ǂkhâ!nâs !aroma,” ti ǀgui gere mîsa.
Mokhatub ge ra mî, nēsis kōses marinasa ǁîs di !gâ-aon, Tirelo ya Setwana ǂhôaǂgares din xa ra ǁkhuihesa, îs nēsisa ǁaupexa haka tsî !khare kurin aeba a ǀkhai xawe.
Marinas ge Tirelo ya Setwana ǂhôaǂuisa xu 2009ǁî kuri ge !gû tsî elosi proxramgu depatmentsa ge ǁhao.
ǁÎs ge 2010ǁî kurib !nâ Indiab ǁga !gû tsî Dilpomaba Omkhâisens ǂHôare-aosis dis !nâ ge dītoa.
Matundus hîa ǀuniga kuriba Politekniks Namibiab dis tawa ǂHôare-aosis tsî ǁNâuǂharugus Texnoloxib ǁkhāǁkhāsens ǀkha a ǀhawes g era mî, ǀguis khami ī xū-i tsîn Elobats ga ūhâ o īǁoa tama hâ !khaisa.
ǁîs ge 2 Gamaǀaeb 2014 dis ai ǂnûǁkhaeba ra !haros !nâ ge !gaehe tsî nē ǀgapi !haros !nâ 1 ǂNūǁnâiseb 2014 dis ai ge !gaeǂgāhe. ǁÎs ge koasa NBCs di dana ǂgaeǂguis, Derekter-Xenerali mâsa ge mā în di ǁgūtsâdi tarekhoede omkhâis !nân ra sī!nâdi !aroma. ǂHôaǂgares !âb NBCs dib ge hoa !harigu ai ra mâǂoa, ǁnāpa hâ disi ǂgaegui=aona xu di !nanide a tare ǂgaegui-aose.