OTJOMUISE- Otjirata tja Namibia tjo Matoororero tjayakurire ozomahina zarue zokutoorora o 3400 nÿayeta otjivarero atjihe kumue tjozomahina inÿa ko 6800.
Otjiuru Tjoviungura tjo tji Rata ihi, Theo Mujoro, otjiveke ihi wayauzire omeero wozomahina inÿa. Matja Otjirata tjayakurire ozomhina inÿa Oritjatano ndazuko nu nai tjiri motjiungura tjokutia kutja matjizehandjaura vi moutukondua womatoororero okuiisira kotjivarero tjovandu mokarukondua akehe. “EÞe tunonguizikiro nomasa,” matja nakuizike ovatoorore kutja ovo varongerere omatoororero ngumaeya. Ehi marikara nomatoorore oetjatano woperesidenda nou¿epo wombongarero yotjiwa¿a omueze mbumauyende tjiyeri 28.
Mokutja hapo ozomahina inÿa wina mazekara nozombapira nÿumazeraisa omutoorore kangamua nguatoorora, Mujoro matja kavena otjinenge iho posia tjipakara ombata maveyenene okunana otjiherengururua tjimatjiraisa omutoorore notjira katoorora. “Ozomahina inda kazena otjiherengurua oirindjo. Kazena kuyenena. Mapekara nao momatoororero ngumaeya,” matja. Omatoororero pozomberoo zovakuramenepo vehi pendje nehi namo Kakoverua na Zorongondo kuiimba mbeungura mokuvare yeri tjiyeri 7 na 14 komueze mbumauyende ngunda ovira vioporotika avianingirua okuraisa ovavarekua viavo komatoororero woperesidenda okuza tjiyeri 13 nganduu 29 komueze imbui.
Omatoorore omatjiziwa koutukondua womatoororero wa Endola na nOutokero wa Tjomuise yeri tjiyeri 7 na 14 komueze mbumauyende. Otjirata tjo Matoorore matjitja matjiyandjere ovatarere vomatoorore okuza mehi nokouye wopendje.
Mujoro matja vahinda ovimbummba viovaungurire vomatoorore noviungurisiwa nu marire nao mouparanga wehi arihe. Mapekara ovaworongansie votukondua nevevevatere o 42, ovatjevere voutukondua o 121, ovavatere noviungurisiwa viakandinondi o 160, ovatjangise o 3505 noviungurisiwa ovinjinjinge viopozondanda zomatjangisiro morukondua aruhe. Wina omahina ozemburuke yozondjira zominue ndjiriungurira maikarapo kutja ovandu avehatoorora tuvari ngunda wina apena ongondjero yomahina ndjimaikutua kuna o Ministeri yOvitjiua Viomoukoto Wehi kokuhara ondjivisiro ohunga novatoorore.
Okakarata okapi kokutoorora kena otjinenge tjokutja oko tjikatuwa komahina keraisa oviune viondjiukiro yomutoorore tjitjiri otjina tjimatjihakahanisa omatoororero.Mujoro wayarukapo rukuao nonguizikiro ye kovatoorore koupue wozomahina zomatoororero ngumatja mayehakahanisa omatoororero otja tjipamunikirue momatoororero wozongomainde moutukondua womatoororero peke peke nu munao mapeya ovivarero viomatoororero moure wozoiri o 48 poo kehi ya nao avitjikisiwa okuza notuveze tuomatoororero tjituapata. Mujoro matja ovivarero viokarukondua akehe komatoororero mavitjiukisiwa naviturikua pondanda aihe yomatoorore pona omundu kangamua auhe pumerimunine ovio otja tjiviamunikua posia ovivarero ohepero oviombo viehi arihe nunguari koviombo voutukondua kourike wato.