AMINUIS-Presidente Hifikepunye Pohamba, kahundilire vatungi momukunda gwaAminuis asi vahepa kulipakerera kombunga zendi zaSWAPO, morwa yizo zelike mbunga zina kara asi kuvhura ndi asi zaretesapo mpora noukumwe mosirongo. Horowora mbunga zaSWAPO, Horowora mbunga zaSWAPO, nokurugurura mbudi ozo. Nokuvapura asi morwa sinke nopira muntu kuwiza kombunga zaSWAPO. Pohamba kakauyungisire sigongi saSWAPO momukunda gwaAminuis moOmaheke, momapeu ganapuko.
Aminuis mukunda gwakara gwadivikwa kwaNUDO, omu ava gwana mazwi gomanzi kukwamako Otjinene, ano NUDO kufunda nkenye mahoroworo aga karako monomukunda dina mbali kutunda tupu apa vatunda moDTA, momvhura 2003. Mbunga zaSWAPO zelike zina kara asi kurugana nawa kugava sirugana sosiwa kovantu nokouzuni ntani azo kwalituramo unene mokugwanekedesa vantu vatunga mosirongo esi, kugusako ruvara, muhoko, ntundiliro, rudi vharwa, ndi asi mapuliro pasiukiliste yimo ngoso ana kutantera ava kavakere pepongo.” Zendeni mukatantere vakwaneni, vaholi zeni novaharwa veni munasigi kembo asi vahepa kuwiza kombunga zaSWAPO.” Siruwo sokukwamako nsene tomuwiza kosigongi mwahavasiga vahepa nawo kuwiza kosigongi, yimo ana kutanta Pohamba. Pohamba simpe kagwedereko asi mbunga zaSWAPO zelike zina kara nomagano gokukulika sirongo esi, morwa eyi kuna kulilikida yene pwayene omu sirongo saNAMIBIA vana kusitura ponontambo dokulisiga-siga kuhamena ekonomi. Nombunga dokulisiga siga ado kuna kutantera vantu asi vana hara kurugana ngesi nokukarugana eyi nye kapi vana kutantrerako vantu asi yinkle eyi varuganako pwanare. Ose kapi tuna kara tupu asi mbunga politika, ndi asi mbunga zokuuyunga tupu nye kurugana oyo tuna kuuyunga yipo vantu vayimone. Yirugana eyi zarugana mbunga zaSWAPO, kuvhura kuyimona kuvhura kuyikwata yipo nye yina karere mulyo asi twahepa kutupa simpe siruwo tutukwire oyo tuna kurugana. Pohamba simpe kahundilire nombunga dina kukalihamesera momahoroworo asi dahepa kurugana nomukaro gomuwa pampora.
“ Mahoroworo kwakara ngwendi udano wombara, apa avadana kapi ava kara asi nonkore, morwa sinke nye ose natukarere namo peke.” Age kahundilire vaNAMIBIA asi vahepa kuhorowora candidate gombunga zaSWAPO, ndokotora Hage G. Geingob, Age muntu gomuwa, mugara gomuwa unene. Yimo ana kutanta. Mwahepa kukara muna liwapayikire mukahorowore mbunga zaSWAPO,ntani nakandidate gwazo Ndokotora Hage G. Geingob, yimo ana kuhundira vahorowoli navenye. Pohamba kuna kara ana yidiva asi nsene Hage nava muhorowora hawe age nakatwikira oku vanahagere, ntani nakaretapo magano gamwe gomape. Pohamba simpe kakadingwire mavango ngwendi nzira vana kurugana kutunda Otjinene oze koGrootfontein ntani za Gobabis, Aranos ezi ngazi pita moAminuis ngazikagava ekuliko.
Vantu kavakere pepongo lina kava kere, Ministera gonomina, Isak Katali, Ministera gerongo Dr. David Namwandi, nomunona gwendi Silvia Makgone, ministeragona goyirugana Kilus Nguvauva, ministera gona gonombudi Stanley Simataa, ntani musipundi nye gombunga ezi vapa sinka kuhamena mukunda gwaOmaheke Immanuel Ngatjizeko navamwe ngoso. Pohamba kuna kumundindira akauyungise sigongi sangesi moKeetmanshoop momapeu, nye kuna kumoneka asi sigongi sangesi vanasitura nye mosondaha kapisi momapeu hena.