ONGWEDIVA-Mbunga mpatanesi zomapaveta (RDP) Rally for Democracy and Progress, kazihomokerere mbunga zomahoroworo apa kavamwene asi mberewa zawo zomoOngwediva zaECN, kuna karamo efano vafaneka lyombunga zaSWAPO, Lyakansela ogu gatusiga gositoporwa sa Endola mugolikadi Ruth Nhinda, moOhangwena. Mubunga zopaveta mepataneso zaRDP, kuna kutaparara nye mbunga zokugendesa mahoroworo asi awo nani kuna hamene koruha rumwe tupu kombunga mpangeli. Nokuvapa asi mbunga ezi zomahoroworo azo kunakarerepo tupu kuzonagura ngendeseso zomahoroworo. Eyi kuna kwama apa nye kavagwene mbapira panakara efano lyakansela gwanare ntani age hena gombunga zaSWAPO, nonombudi vana tjangapo asi horowora SWAPO, efano eli kalikere asi momberewa zomugendesi mahoroworo gokukwateramo mo gomukunda gwaEndola, age gana kara asi ntaantani tupu vakagarugane.
Efano eli kuna karapo vantu vavali panakumoneka efano lyaRuth Nhinda kansela gwanare ano eli ekwawo kuna karapo nye efano lya Ferdinand Shifidi ogu ana kara ngesi asi candidate gomahoroworo gokukwateramo gombunga zaSWAPO, mahoroworo aga tuna kugazara kukakarako mokwedi oko tuna yuka. Mbunga nye zaRDP ezi kazitwere mukandidate gwazo zikahamene momahoroworo aga, momandaha, kuna kara nye nomapuro asi yousili sirongo saNAMIBIA nasikakara nomahoroworo gana wapa vana kugendesa nawa? Yinke nye yina kutanta omu mberewa ezi vapa yokuhamena mahoroworo mosirongo ntaantani vana nye vana kara koruha rumwe tupu. Sirongo esi sili ngasi kara nomalikwamo asi mahoroworo aga gakare gana wapa nkenye gumwe kunakul;izuvha asi yina wapa? ECN awo kunakurugana Yuma yangesi, yimo ana kupura Hidipohamba Sheuyange, mukarelipo gwaRDP gomahoroworo momukunda gwina. Age kuna kupa mberwa zomahoroworo umbondo nampili ngomu asi murugani gomomberwa zina nage kamonekere yinamutetukisa mokumona efano elingwendi gogu asi kapi ana divako Yuma. Sheuyange katente asi eyi kapi vana yipulisira, mberewa zomahoroworo kapi zina kurugana nawa.
Vantu kuna kuyimona asi eyi ngano yaRDP, ngano nare vanaruganako Yuma anon ye morwa efano eli lyombunga mpangeli awo kuna kuyimona asi SWAPO kuna kupangera sirongo nasinye ntani nanayinye eyi tuna weke yaSWAPO, rambangako evango eli ana kuruganenena ECN kwaliweka SWAPO, mbudi ezi ana kulilimburura mwene. “ Ame kapi nina kuyimona asi vatwiku nawo kwavakuta varugane momberewa ezi” yimo simpe ana kuuyunga Sheuyange. Posiruwo sooso munamberewa nye ogu ana kugendesa mahoroworo gaEndola, Kerthu Shipoke, kayitambwire asi kapi yina wapa nokuhundira egusiropo. Shipoke katente asi age kakere kapi ana divako yuka kuhamena mafano aga gombunga zaSWAPO, vanayatura momberewa zendi. Ose kapi tuna divako Yuma yimo ana kutanta ngoso. Age nkera posiruwo sooso katente asi nombunga ntatu dina kara novakandidate momahoroworo aga gokukwateramo moEndola, ado kuna kara, Shifidi gwaSWAPO, Hafeni Pius gwaRDP, ano Venda Denis Kahangu gwaCOD.