I Kae Matundu-Tjiparuro EPAKO MAPEMUNIKA ayo otjihimise porwe otji matjitjurura ondja-kaha motjombanguriro ndja-hangwa kuna Ouhonapare wOmbazu wOvambanderu, Ombara yOvambanderu Mun-juku II Nguvauva novavyure vetatu iyOtjiuru Tjovahona, Erastus Tjiundikwua Kahuure novana mutjemo noveta yom-bazu yOvambanderu nai ndjaeta ondurumbata pokati kominda aviyevari imbi kutja yayakurwa otja momirari poo kaiya yakurwa nao. Ondjakaha indji ya zeupa-risirwe na i pewa omasa nonda-ya iyo tjimbumba tjOvamba-nderu tjitjihina ohange omwano oveta yomananeno wouhonapa-re wombazu wOvambanderu mbuyaundurirwa kombanda yomuhoko. Ombongarero yena: Ombongarero Ombahe yOn-dunge kOndjuriro yOngunde-veta yOvambanderu, ndjahaa-mene Orovyungura muno, Ova-mbanderu mbumavevaza ape o 400 okuza kotukondua atuhe mumuturira Omumbanderu tjiminuna Omongua, Otjinene, Okunene, Epukiro, Otjozon-djupa, Epako na Khomasa, va serekarerwe omuze wo ndu-rumbata indji nai ndjiri mOva-mbanderu nondjira komurungu. Ondjakaha, ombongarero indji yazuvire kutja yaza mo mayakuriro wOmbara yOvam-banderu Munjuku II worutuu ro mananeno womuhoko mbu hiyatjiukisiwa komuhoko nu wina omuhoko muu hiyapewa oruveze okuyandja oumune wawo. Okomiti yOngundeveta yapewa otjiungura tjokusopora orutuu indui nokurutuara komuhoko mo Namibia na Ko-tjauana oku keihonga pozombo-ngarero mouparanga womahi ayeevari inga nokuuyandjera okuyandja oumune wawo. Okuzambo Okomiti indji yasere kutja yakaraisa omaumune peke peke nguyawongo kombonga-rero yomuhoko auhe nomuho-ko tjiwaitavere korutuu indui Ombara arire tjiyerusere onda-ya. Ondjira indji yapengwa ounepo utatu wOkomiti aihe kumwe younepo o 12, tjiwa-tuara orutuu indui kOmbara nokuhina wahonga nokutjivisa omuhoko oukoto nouparanga worutuu indui nokuupa oruveze rokuyandja oumune wawo. Ngunda aperi nao ouho-napare wOmbazu wOmbanderu wanangere Kahuure kombonga-rero yawo omayuva womsuviro inga. Kutja okuka handjaura omutjemo we poo okukatjita tjike kapena ongahukiro. Posio ombongarero ya Pako omayuva womasuviro ngazuko aa imunu kutja Kahuure kasere okuyenda oupotu kombongarero indji nungwari wasere okunwa on-dunge mozohahende zovana mutjemo. Wina yakuminwe kutja Kahuure yuumwe uriri movana mutjemo nongwaye tje-ri ye erike ngwanangwa kombo-ngarero indji. Otutuu tuomirari vyo me-rinaneno wOvambanderu tuvari itui, indui orukuru na indui oru-pe matuhanika movinenge ovi-na hepero imbi: Mu indui oru-kuru ouhonapare wOvamban-deru mautjikwa otjo “Ouho-napare Owiingona wOvamba-nderu” nu moripe ama utjiukua otjo “Ouhonapare wOmbazu wOvambanderu”. Omunane womuhoko morutuu orukuru matjiukwa otjo “Mbara Otjiuru tjOvambanderu” wondengu yo “King” ngunda morutuu indui orupe ama tjiukwa otjo “Mbara Otjiuru” wondengu yOmbara Otjitambi “Paramount Chief”. Pondondo yotukondua tuo-kombanda, ovihuro nomahi wa-peke ovanane vombazu mave-hanika momaisaneno. Moveta onguri vahanika mo “Muhona Omunane” mehi ra kangamwa ngunda movihuro nomahi wa-peke amatjiukwa otjo “Mukura-menepo wOmbara”. Moveta ombe ovanane imba avehe ma-vesanewa tjimwe otjo “Zorata Zokombanda”. Ombara otjo Tjiuru tjOvam-banderu moveta onguri aazikwa aazu momatundu omahenendu wOvambanderu. Moveta ombe mazu “movakwatua vombindu” metundu ra Nguvauva uriri no tjihavero tjingetjo matjirumatua iyo mukwatua wa nawa okuza ketundu indi. Ngunda oveta onguri aa iya-ndjere Otjiuru tjOvahona, otji-havero tjitjikara na Kahuure nganduu momautiro wondja-kaha ndjiripo, oveta ombe mai-vanga okwiisapo otjihavero ihi.