Vasingi mahauto kombin-dakano zosirongo zonzira ezi zagwanekedesa Namibia na South Africa kapisi kazi retere tupu udigu mosiko-ndovike nye dogoro ngesi kuna reta udigu womaholi. Mugendesi gomaholi gaBP moNamibia moMariental Tsumib kayinkondopekere kwa NEW ERA asi yitasi yivali modoropa ezi yoEN-GEN kayipete. Age katente asi mberewa zendi kuvhura kupaturuka moutatu omu vana kundi-ndira ruhanzo oru ruliture. Ose tuna liwapayikire moku gava mbatero kovantu. Ogu ana kumona nage simpagwa oso kakere mukurona gen-desi pamukunda gwa Shell Etienne Delport age kaga-zarere asi kuvhura vagave maholi mo Mariental nani nye pomba zokupombesa maholi zinazi nomema. Mo-kupaturura maholi aga kapisi komema kwelike nye noku-tara asi gene aga maholi ma-waawa ndi ganayipa kome-ma. Nzira zomahauto kazi-kere zina pata nye ngesi kuvhura kuziruganesa. Muwapayiki gonzira, muru-gani ko”Road Authority” katente asi nampili ngomu asi mema simpe kuna kupita nye nzira zina manguruka komahauto. Momandaha kaga pwire nzira ezi zagwanekedesa Mariental,Gibeon,Gochas na Stampriet, nazo kazipete mosiruwo sosisupi morwa eroli eli kaliliganderere mon-zira. Ano ngesi eroli olyo kava likokeremo kwato yim-we eyi nayikondera asi vapire kuruganesa nzira ozo.Momandaha kagapwire King Quentin mugendesi kurona gokampani zonohuh-wa agava nohuhwa kuyitora yoyinene rambangako Pick ‘n Pay katente asi maroli gawo gane kagapwire maholi pokatji ka Kalkrand naRe-hoboth. Ose katugazarere asi kuvhura tusike moRehoboth, morwa moKalkrand mwato maholi godisera. Age utjirwe wendi kaukere tupu asi nsene kapi nava sika ko Windhoek mberera ozo kava simbire tazi zonauka,nsene yihoroka oyo ezumbaneso tava livar-wire kono dola dina gwa-nene. Roli kavazindindilire ngano zika ture furaha ozo mosondaha ngurangura,nye nampili ngoso kapi kayi-retere udona kwava woyitora morwa kava kere nofuraha zimwe zanare.yimo ana kutanta King.Mugendesi gositora kombindakano sedina chain shop soyik-wahidi asi ruganene mositata no koSwakopmund,Leon Nel katanterere NEW ERA asi maroli ntane kagalirenge morwa ruhanzo oru karu kere moMariental.Mwavamwe nsene kapisi navenye ava kava here kuranda yikwa ehidi nye nakumwesi vana kuyigwana unene vava vahara mandjembere, ma-banana nayimwe ngoso eyi ava pili kugwana noureru. Varandi vetu kava here kugwana yininke yangesi pongurangura zoozo nye ngesi katu kere ezuva nalinye kwato yikulya yangesi. Apa nye yina kara asi na-yinye ngesi, nzira vana kutumbura asi Trans Kala-hari Corridor, ezi zakara asi kapi ava genderere nye azo mbiliha ngano yizo tuna kuruganesa yimo vana ku-tanta va Walvis Bay Corridor. Ozo yizo nzira zombiliha po unene yimo ana kuzitanta nkenye gumwe.