I Kae Matundu-Tjiparuro OTJOVAZANDU Ombata ndjiri mOmbanderu kaina omayameno warwe pendje notjombanguriro. Imbwi oo umune waimwe wetambo rOmbanderu ngwahingi pun-ba omuhoko ibmwi ozom-bura nozombura nuwina umutjiwe womakuruhungi wOmbanderu. Nguri kembo omitiri onguri Jesaja Katjivikua. Matja momuhoko mwahapa omuti nu “ngunda imbo omuti awahapa nao mohapo konoo ukondoroka oi kova kwenu mbena orondu moka tjatja omuti ukure.” Waweza kutja otjina ihi nambano tjarire otjiposa momuhoko novandu vasere okutuara ondjira yotjiposa tjao. Matja otupa atuyevari itui matuye-nene okutatasana indi tjipa-kara otjiposa. “Ngwataarwa nangwataara kanaa veka-yaruka notjiposa iho ruk-wao,” eye watja. Watja tjipa-kara otjiposa okutja omuti imbwi mbwahapa motjiwana maukukuta nu auhe ngwazu motjiposa matira okutjatja omuti imbwi mokutira kutja the u tjatja tjapo maupendura otjiposa na kataarwa. Otjiposa ihi wetji sasaneke novandu vevari mbakambu-rasana momake natja umwe tjataara omukwao kavekarwa rukwao tjandje vatatasana. Katjivikua wasasaneke omayakuriro woveta yO-vambadneru nombara ya Ro-ma Nero gwatjere otjihuro ihi o Roma ngatjinyosiwe. Nero tjandje o Nero tjatja watja. Otjihuro tjitjari otjihuro otji-wa tjiwa mouye tjapya atjitu-kutuka. Watjere oruveze rwa Nero rwari oruveze rondorera. Tjandje kakuna otjina tjitjha-rundururwa pendje nEmbo Eyapuke. Ovandu ovengi oruveze indo aavekambura kutja owatjiri. Posyo kombunda ovandu vauta okurundurura Nero ngwaa harundururwa. Watja ozondjira ndeyenda ko Roma ozengu nu munao wina omuhona wina otjasere okurundururwa, Munao wina motjiposa tjOvambanderu Ombara otjimarundururwa. Matja ovandu kavesere oku-yaruka kombunda kozombu-ra esere zondorera ozombara maa zeharundururwa natja katjina otjiwa otjiuru no-muhoko okukara notjiposa kunatjo. Otjiposa tjasere oku-zengururwa peye ohange. Matja omahongero kova-nane ovengi vovazorondu yaombere nungwari namba-no yavaza yatakavara. Watja otjovaapa ovazoozu nam-bano vena ovanatje mba-hongwa no tjiungura tjavo okukondja kutja omuhoko auhe uhongwe nokuraera ovandu vao kutja vehongise ovanatje vao motupa peke peke. Munao wina otjiposa omuhoko otjiwasere oku-zengurura owini otjomuhoko mbwamuna ondjerera. Ovavanwa wina kavesere okumuna kutja veri moho-romende youyara nuvasere okutjita otja tjimavevanga. Vasere okwiitavera imbyo oviwa nungwari ave hanini-kiziwa. Matja mokutja otjiposa omuhoko ngauzenguruire owini kapena kuheya kutja atjii koveta. Tjasere okuyenda arire ndjekeveyapura. Tjiyeveyapira tjandje va-tatasana vayaruka pamwe. Inga oo makaondjero womu-hoko yaseere okusana ingo. Katjivikua watja otjina otjinene omuhoko tjiwahani-ka mokati tjiwasere okuta-kamisa nomasa okuhanga ovita kumwe mena rokutja ovita kavizengurura. Ngave-rye,ngavenyande pamwe nu ngavezengurure iho tjitjeya mokati kao. Matja omuhoko wOm-banderu wasewa eke rimwe nu tjiwakondo ominwe vivari keke indi makusewa ominwe vitatu. Wina tjiwakondo ominwe vitatu kuro makusewa omin-we vivari neke indi karitjiri eke rukwao. Munao Ovambanderu opuvasere okutakamisa omu-hoko au hahanika. Katjivikua matja otjiposa tjitjazengururwa atjikuturwa katjina kuhana omuhoko. Matja Ovambanderu vasewa eke rimwe mena rokutja vahanika mena rokuurwa okuzengurura otjiposa. Tjipakapita ozombura aveyaruka pamwe nokuhiya pangurasana. Indji ondjarira ombazu yOvambanderu. Watja ohani ondenga momu-hoko yeya ohoromende yOvandoitji tjiyeya mehi indi.Vata aveyaruka pamwe ave hapangurasana. Ozore-sevate tjizauta vahanika apekara ovita ovinene ovan-du ave hahungire kumwe novanatje mbaumbwa aveutu okukarara munda mbwina. Tjiva kahandura kEpukiro na Mongua aveyaruka pamwe avenyamasana omaraka. Munao okuhanika nokuhaha nokuyaruka pamwe otjina mOvambanderu tjitjarira ombazu. Katjivikua matja ngape-kare ombanguriro okuhanika nokuyaruka pamwe aharire ombazu navehairirire. “Ombanguriro yakwatua puna omundu. Oo makaond-jero wo muhoko. Omundu ngwa tataiza wasere okupan-gurwa. Otjiwana tjitja seka-masana tjasere oku-pangurwa,” eye wapata nao.