WINDHOEK – Omalonge-kidho oge li metifa okutameka oshitopolwa shepango lyaavu yomutima moshipangelo oshi-nene shaVenduka. Ngele oshi-topolwa shika osha tameke, itapu ka kala we ompumbwe okutuma Aanamibia mboka taya ehama omitima ya ka pangwe noku-tandwa kiilongo yilwe. Ominista yUukalinawa nIilonga yOn-kalonawa, Dr. Richard Kamwi omasiku ngaka okwe shi popi kutya oshitopolwa shetando lyaavu yomutima moNamibia oshi li momalongekidho. “Iiya-kulitho opo yi li nale, nopethimbo ndika otatu yakula ashike aanawino okuza koKenya, notu li ishewe momalongekidho okukuta miilonga aanawino yepango lyomitima okuza ko-shilongo shika,” osho Kamwi ta ti. Shika okwe shi popi mOven-duka pethimbo ta taamba ko aapangi Aakenya mboka ye yile moshilongo omasiku ngaka. Sigo oompaka aavu yomu-tima ya konda 60 moNamibia oya mona etando ewanawa koshipangelo shedhina Kenyatta National Hospital koKenya.. Omuvu gumwe gomutima oku-mona epango ndika koSouth Africa ohashi kotha N$120 000, omanga omuyalu nguka tagu vulu okupangitha aavu yane koKenya. Onkee Namibia oku-wete osha simana okuninga eu-vathano naKenya, ndyoka lya ningilwe eti 4 Septemba 2002. Oshikwawo, opwa ningwa oon-katu okukwatha Uuministeli wUundjolowele okutota po oshitopolwa shetando nepango lyomitima moWindhoek Central Hospital. Moonkundathana noshifo shika, Amushanga omukuluntu mUuministeli wUukalinawa, Dr. Kalumbi Shangula ota ti osha kala omukundu kaavu oyendji yomoshilongo okutulwa momu-sholondondo gokutegelela etan-do lyomitima koSouth Africa. Okutala kaanawino ya pyokoka ye na sha nomatando gomitima, Kenya okwa talika oye e na om-biliha. “Aavu yamwe oya si no-kuli omanga iimaliwa inayi gon-gelwa opo ya ka mone etando koSouth Africa,” Dr. Shangula ta ti. Kakele ota ti onkalo ndjika otayii ka monenwa eyamukulo mbala ngele oshitopolwa she-tando lyomitima osha tameke. Dr. Shangula ota ti ootendera dhiilonga negandjo lyiiyakulitho odha tseyithwa nale miifo, no-mahangano ngoka taga ka zi-minwa otaga ka pewa ootendera dhoka.