I Kae Matundu-Tjiparuro na Kuvee Kangueehi OTJOMUISE – Nandarire me-ronga ro Presidenda ya Namibia kutja ombongarero yehika rotutu tuo vaungure, o National Union of Namibian Workers (NUNW) ipandere poruwano, ombongarero oitjaine yehika in-di yayandere outku huka wa Sondaha petjire Omandaha no-mitjemo vyotutu ounepo tjiva tjimuna o oruwano rwo vaungu-re vomozongoporo noruwano, o Mineworkers Union of Namibia (Mun) no rozomitiri, o Namibia National Teachers Union (Nan-u). Otjivepo tjondjemeno tjitja hingire po mbongarero indji tjahinga rukuru movaungure menba ra Festus Naholo, ngwari omutjanegerepo omunene omu-tize woriveze ngwa ngunda a maisamewa motjihavero ihi. Pokutoorora ovanane rumwe rworutu okanepo ko NUNW, indui o Mun, rua raisire onjengo nu kehi yondjemeno arupiti mombongarero indji. Opreside-nda yo Mun, Eiseb nomutjan-gerepo wayo, Joseph Hengari morutuu rwondjemeno ndua tjangerwe ko NUNW pombo-ngarero indji, varaisa kutja o MUN kanaa yapitire mombo-ngarero indji ozombuze otja tji-zatjanga nungwari vapitire nao kehi yondjemeno ndji varaisire morutuu indui ko NUNW. O Mun yatja tjitire nao kehi yovinenge imbi: “O Mun ma imunu kutja ozondiero ndatoo-rerwe iyombongarero kaza ten-gerwe nu wina kazari momirari vyoveta yehika.” Otja ku Hen-gari omirari ku kwa haamisirwe ombonagrero indji kavyombyo vyoveta yehika nungwari ivyar-we ovyo mbi va katjivisirwe pombonagrero indjo nuwina aku hahungirirwa. Morutuu rondjemeno ro Mun vatja otja komazeva wo-veta kanaa pakondononenwe kutja otuhindo kombongarero indji otukohoke okukara norupa muyo tjimuna mokutja katuna ozondjo nu tjiva atuyandjerwa okukara norupa mombongarero tjitua sutire ozondjo inda zomei-eze vitatu oviseinina pu pe hase-re okukara nao. Munao wina ombepo yo kuhina ongamburiro mo Presidenda ya ninikizirwe kombanda yombongarero mo kuyandejra imba mbehiya ko-horora omivanda vyao kuna ehi-ka noku kara norupa. “Omatjae-rero wotutu tutuhina ozondjo okuraisa oumune wato yari otji-na otjikendise,” orutuu rondje-meno rwo Mun rwaraisa nao. “Wina matuvanga okuperaisa ongahukiro kutja ete kadturi ku Peter Naholo nu wina katuna kupirura ozondiero zorutu oru-nane romondvitivi. Tjimatuva-nga okutja ozongunde zokoute-ka pamwe noukohoke zeungu-risiwe. Okutuapo kutja ovahi-ndua mbu mave katoorora ou-nane mbumaiya vekara nourize-mburuka oukohoke mbuhina ongarera.” Otja ku Hengari mena rovina ovihasemba mbya kayendere pombonagrero o Mun otjina ihi nambano yetjesa momake wo vahindua vyayo kombongarero indji oku tjiyarura kotukondua tuao tutue vehindire kuyo tjazu-mba arire puvatarere kutja mave hungama pi. Alpheus Muheua na Evi-lastus Kaaronda omba yakurir-we otjovanane vokombanda vo NUNW motjito tjo u Presidenda notjo Mutjangereppo wOkom-banda. Muheua wa urikirwe iyo tutu hambombari ounepo wehik indi na hakara no mupirure indu Connie Pandeni ngwaurikirwe iyo Mun tjerihenunine motji ra-rakaneno ihi. O Nantu rukuru ndjari ama iye kuurikira mom-bongarero indji ova varekwa va-yo movihavero vyounane, kanaa yatjitire nao mena romapitsasa-neno mokati kayo. Wina tjiva vou-nepo wo Nantu vapitire mombo-ngarero indji omuvarekwa wayo kotjihavero tjoupresidenda, Risto Kapenda, tjehina wa nunisirwe iyo tutu tutatu tuehika indi.