WINDHOEK – Opolisi okupiti-la moshikonga shayo sha kindja “Hambashu Tayi Landitha,” oya tamekele mOmbaye okupatitha oombashu noondingosho hadhi landitha omalovu dhaa na omikanda dhopaveta, nonando aakwashigwana oyendji ohaya hupu pamukalo nguka gokun-geshefa kaa gu li paveta. Komufala gOpevi gOpolisi mOmbaye, Andrew Iyambo okwe shi koleke kutya mOmba-ye omu na oombashu 439, ihe oombashu ashike 39 dhi na oombapila dhokungeshefa. Okuza nkene oshikonga shokupata oombashu dhaa li paveta sha tamekele, ooyene yoondingosho yahetatu okwa li ya kwatwa po, omanga oomba-shu hamano dha tsuwa ekumba. Iyambo ina vula okugandja omuyalu gothaathaa kutya oma-lovu gethike peni kwa li ka yugwa ko pethimbo lyoshikon-ga, ihe ota ti ogendji lela. Iyambo ota ti konyala egumbo etiyali kehe molukanda Kuisebmund oli na okambashu molugumbo, nodhindji dho-moondingosho dhika kadhi na oombapila dhopaveta. Omimvo ntano dha pita, komufala gopevi okwa kala nokuninga iigongi naayehe ya gumwa, nokuku-ndathana esimano okunyolitha oombashu, ihe aalandithi yii-kolitha inaya ninga po onkam-badhala okushangitha oondunda dhawo opo ya mone oolisinisa. “Ope na oombushu omathele dhoka hadhi landitha uusiku nomutenya, ihe tse otatu totha mo dhoka kadhi na oolisinisa, noshikonga otashi pula komeho pwaa na esiku kutya otashi hulu uunake,” osho a ti koshifo shika. Okuza sho opolisi ya tameka okupatolola omapandaanda miitopolwa moka mwa tseyika mu na oombashu odhindji, ooyene yoombashu mboka kaye na oombapila oya tameka okulanditha omalovu meni lyoombashu dhawo yi ipatela mo. Shika, Iyambo ta ti osha ninga oshidhigu okuungaunga nayo paveta. Aantu yahamano mboka ya kwatwa shi nasha nokulanditha iikolitha yaa na oombapila otaya ka holoka ishewe mompangu eti 25 Aguste 2006. Oveta yIikolitha otayi ti aapogoli yoveta oye na okufutithwa oshimaliwa inashi konda N$ 4 000. Komufala gopevi okwa holola eyeme lye shi nasha nelongithonayi lyiikolitha mOmbaye, ta ti onkalo ndjika otayi piyaganeke eihumbatonawa lyoshigwana, oshoka aanona oyendji otaya putuka momagumbo gaakuluntu haya dhenge iikolitha. “Omakende goombiila oga ninga iidhanitho yawo (aanona),” komufala gopevi ta ti. Elongitho lyiikolitha oli li wo omukundu komapendulopo goshigwana mondoolopa ndjika yokomunku-lofuta. “Itatu vulu okutunga okinda yaanona mondoolopa ndjika oshoka pehala kehe ope na ashike oombashu dha napakana,” Iyambo ta ti. Kuisebmund okwa kala olukanda moka hamu lopot-wa omiyonena odhindji shi vuli-the omalukanda galwe mOm-baye. “Etiyali kehe ohatu kala noshigongi shewilikongundu lyaakuluntu yiitaasi yopolisi. MoNaraville, iiningwanima yomiyonena ihayi kondo piipotha itano, omanga mo-Kuisebmund iikulumuna ngele iishona oyi li 24,” Iyambo ta ti. Metitatu, aakwashigwana omathele oya gongalele po-Kuisebmund opo andola ya ninge ehololomadhiladhilo. Omunambelewa gomakwata-thano noshigwana muMuni gwaMbaye, Nolita Marques, okwa ti ehololomadhiladhilo olya kalekwa manga oshigwana tashi tegelele oshizemo shomu-tumba gwa thanekwa naNgo-loneya goshitopolwa Erongo Samuel Nuyoma, noshigongi shika otashi ningwa nena. Uunangeshefa woombashu owu li onzo onene yiiyemo kaantu oyendji mondoolopa ndjika, naamboka ya gumwa kepato lyoombashu otaya indile opolisi yi ya pitike ya landithe andola meni lyoowili dhoka dha tulwa po paveta. Oombashu, Paveta yIikolitha odhi na okupatuluka pomugoyi ongula (09h00) sigo ombali yomutenya (14h00) oshowo okuza pone (16h00) sigo opokati kuusiku. Nonando omathimbo ngaka ogo ga tulwa po paveta, oombashu odhindji ohadhi kala ashike dha patuluka omutenya nuusiku auhe. Marques ota ti ope na euvoko lyopambambo kutya opolisi oya lombwelwa kewiliko lyaMuni gwaMbaye opo yi tameke niikonga. Ota ti shika osheetwapo shopolisi yoyene. “Muni oku li muukwawo-wanankali nooyene yoombashu, ihe ke na nkee ina okuninga po,” osho omunambelewa goma-kwatathano noshigwana ta ti.