Ose narunye kugazara asi mbwa zahepa kuhuma muntu ndi nyama zopeke, ano apa ngesi kayihorokere asi mbwa kazitomagwire makoso gehauto eli kalipitire monzi-ra. Kuvhura yimoneke asi yipe nye mbwa ezi kazi ho-mokerere ehauto lina ku-genda kumwe nokutomagura makoso dogoro ehauto olyo yiyo kali bwakamene. Ketameko tupu lyosivike sina pu, mbwa zoyirumbu kazikere pokatji kononzira Bullmastiff, Larbador na Boxer, yiyonye kazilireko makoso gane goTOYOTA Land Cruiser ezi kazikere mevango lyokutunga vantu momukunda horowero gwa Venduka koutokero. Ezona-guro eli kalikere enene kali-ninkisire rugendo rwa Sacky Aipinge mugendesi kurona go Nam Mic Financial (Pty) Ltd varugusepo morwa kwato ugendero. Mokukwama nye ava kava yimwene ehudi eli kalihoro-kerere pohuke zo-pokatji kononzira zaBach na Bunding koutokero waVen-duka omu Aipinge kasingire ehauto lyendi siruwo sooso mbwa yiyo kazihomokerere ehauto olyo azo kazidukire kutundilira morugumbo rwe-mbo oku tazihuda ziyuke oku lina kara ehauto. Simbwa ose yiyo kasiwi-zire pepi nehauto makura musingi kagazarere asi kuv-hura asi lyate yiyo kasikame-kere ehauto lyendi. Age ga-hana kudiva asi mbwa ezi kuna tamba ngesefa. Mbwa ezi kazi kere asi zina lituramo yipo kazinyongamene zigu-seko makoso kehauto olyo. Moomo tupu zina kuzona-gura makoso ehauto nalyo kuna kudama likasikamese koyivera. Nkenye gumwe kuvhura omone asi makoso aga gana mono siponga,nye sitetu yinareta ose kwahwa kuzuvha simbwa sina humu muntu kapisi ehauto yimo ana kutanta gumwe ogu kayi-mwene omu yina kuhoroka. Vaporosi wositata saVen-duka vahepa kuvazigida na-wo kapi kava lirangere nare vanayasiki kumwe nokuk-wata mbwa ozo vazitware kevango oku kwakara nomb-wa ava tumbura pausupi asi SPCA.Mwenya ehauto Ai-pinge kanyokere kukumbu-rurako apa kavamupulire vanambudi. Age hena kapi katenteko asi yinke nakaru-gana kosimbwa esi ndi kwa-mwenya simbwa. Gumwe govadivi yonom-bwa katente asi mbwa posi-ruwo simwe kuvhura kuruga-na yininke yangoso nsene kuna kara nomukisi. Ano kwezi mbwa ezi kavazikona-konene mwato mukisi na-mpili gongandi. Konda zim-we kuvhura zikare asi mako-so aga kuvhura kunuka ngwendi mbwa nkwawo zo-ngara ngwendi zezi zokuzo-nagura makoso, kuvhura yitwaredere makoso aga va-gazonagure. Napa tuna kuu-yunga ngesi mbwa ezi kozili ko SPCA ntani hena asi mu-karo gwazo muwawa, moku-kwama ava vana kuzitarera. Nonkambadaro asi tugwane nkumbu kwamwenya mbwa hawe katulitundilirepo.