OSHAKATI Oshipangelo shotango shopaumwene mOngwediva shoka ngashi-ngeyi tashi tungwa nokapandi N$40 million otashi ka egu-lukila mbala oshigwana mu-Kotoba. Shika okwa li sha kolekwa omathimbo ga zi ko kOmundohotola Tshali Iithete, ngoka e li Omukuluntuwiliki goshipangelo shika shedhina Ongwediva Medipark, noku li wo oye mwene gwasho. “Tse otwa nyanyukilwa noonkondo eyokomeho ndyo-ka lya ningwa po sigo oompaka shi nasha netungo lyoshito-polwa shotango oshowo eitu-lomo enene ndyoka lya ulikwa kaanawino yopaunamiti yayoo-loka. Ope na lela omuyalu ogu-ndji gwaanambelewa yopau-namiti mboka ye na ohokwe neitulomo okulongela kumwe natse,” osho Iithete ta ti. Pethimbo ndika oshito-polwa shotango shoka tashi tungwa osho ondondo yotango ndjoka kwa tegelelwa yi ka tameke iilonga muKotoba noya kwatela mo oshitopolwa shepango lyaanona noosaala dhoomeme mboka ye li mo-mategelelo nenge ya mona uu-nona, oosaala dhaavu aalu-mentu naakiintu, omahala go-kutandela, noshitopolwa sheya-kula lyaavu mboka taye ya mo-shipangelo, oshitopolwa sho-mashina gokuminikila moma-lutu nosaala yaanona. Oshitopolwa tashi landula ko okutungwa otashi ka kwa-tela mo egwedheloko lyoo-ndunda dhaavu ye li moo-mbete, nokwa tegelelwa moshipangelo shika mu ka kale nehala lyoombete 120 oshowo oondunda dhoondohotola. Sha landula keitulomo ene-ne moshipangelo shika Ongwe-diva Medipark, Dr. Iithete ota ti pethimbo ndika oshipangelo shika oshi ipyakidhila nokukuta miilonga aapangi noondo-hotola mwa kwatelwa aana-mbelewa mboka ye na ontseyo momayakulo gayooloka ngoka ge na oku ka gandjwa ko-shipangelo shika. Okwa tegelelwa wo kutya aanawino ayehe mboka taya ka longela mOngwediva Medi-park ya ka kale ye na mo iipambuliko moshipangelo shika ongomukalo okushi-lipaleka esindano lyomayakulo gawo yene oshowo goshipa-ngelo. Iilonga yomayakulo galwe moshipangelo shika ngaashi egameno lyoshipangelo, eopa-leko, egandjo lyiikulya nuu-tekenika womauyelele otayi ka za kaagandji yomayakulo ngaka yi ili noyi ili. Ehala mpoka pwa tungwa Ongwediva Medipark olya gandjelwe pambelewa koma-hangano gAachina muKotoba omvula ya zi ko, noya pewa oshinakugwanithwa shika ye shi mane andola muule woom-wedhi omulongo nayimwe. Sigo oompaka, iilonga yetu-ngo otayi ulike kutya eyo-komeho otali ende ngaashi sha thanekwa nesiku lyahugunina olya tulwa po li kale pehulilo lyaSeptemba. Ongwediva Medipark ndjo-ka yi li osheetwapothaneko lyOmundohotola Iithete nomu-nangeshefa David Iimbili, oya kankamekelwa kedhiladhilo lyokukala noondohotola dha pyokoka negandjo lyomaya-kulo ga nuka po pehala nenge moshipangelo shimwe. Oshifo shika osha kundanekwa wo kutya moshipangelo shika otamu ka kala iilonga yo-mayakulo goowili 24 ngaashi oshitopolwa shiilonga yo-paulomumpumbwe, oshikondo shesiloshisho lyuundjolowele wopetameko, oondunda dhoo-ndohotola, olabolatoli yopau-namiti, omayakulo gomad-hewo golutu, iiyakulitho yo-mashina gokuminikila moma-lutu, oaputeka, epango lyaa-nona, oshitopolwa shetando, oosaala dhesiloshisho lyopau-namiti lyakwalukehe oshowo oombelewa dhomayakulo gi ili nogi ili. Oshipangelo shika otashi ka longele kumwe naErongo Me-dical Services, ehangano ndyo-ka olyo yene lyoWelwitschia Medical Centre moWalvis Bay. Elongelokumwe ndika olya etelwe po kehangano lyoSA-DC ndyoka kwa li lya pewa oshinakugwanithwa okweeta po uukumwe mbuka pokati ko-mahala ngaka guundjolowele.