Varugani womina ezi zaRosipinah kavalikidire runyegenyo rwawo moutano wakapita,omu vakurona vawo ava tura vantu moyirugana nomagwanekero gawo.Apa kava geve mbapira zawo zorunyegenyo munasipundu gombunga zovanamina ndi asi MUN moRosipinah Petrus Dhigineni Amakali katente asi varugani kapi vana yihafere eturo moyirugana sinkwa ntani tupu lyomurugani ogu ngatarurura nombapapira dawo doyimaliwa omu vana kuyimona awo asi kapi yagenda monzira zongwa. Union kuna kuhundira evango lya Mrs Elean Marais valigusepo sinkwa ntani yipo asi ngendeseso zongwa vazikwame vagave matjingiso moomu yawapera.yimo ana kutanta Amakali kukwateramo mbunga zendi.Age kageve ruguwo rwawo asi egendeso lyaRosipinah kuna kuhara kureta ngendeseso zalyo zanare zokutunda keguru owize pevhu.Ose kwatu tanterako tupu asi yiyo yahoroka eyi, eyi vagazarere awo vegendeso asi yiyo yomulyo.Union simpe kazi diworokesere vagendesi vaRosipinah vahadivara eyi zina kutanta veta zaNamibia mokuhamena varugani ntani ekondjero varugani kukwama veta ozo wopontambo zoutatu. Union yipo kazipere vagendesi mazuva 31 vayiwapukurure ano nsene kapi vana kuyirugana oyo hawe awo tavaguse nye etokoro kukwama veta.Ogu katambwire mbapira zorunyegenyo mokukwateramo mbunga gendesi kakere Wendel Beukes,ogu kava huguvaresere asi nawiza kwawo konyima tupu apa navakayilikunda novakwawo.Elyetero eli kuna kara eli lina kwama kweli vakere nalyo konyara makwedi gatatu gana pitipo.