Jekonia Hamukoto gonomvhuranomu rongontatu na ntazimwe ogu vana kugazarerwa yedipago vantu vatatu ntani vatatu wokuremana unene popo garoyere mombaha zomo singira mo Venduka metitano eli lya pita morwa ezumbano lyo ngodi zendi zokomawoko {cellphon}age kamonekere sikando sokuhova kompanguro zamangastrata moKatutura. Age kakere momudwaro go simbindja sosisovagani nononzira dononzera pomawoko ntani mburukeva zo khaki.Hamukoto muhakuli mosipangero sepangero moKatutura kamonekere ngwendi kwato eyi anadiva nampili momu lina mutamba edipago lyovantu vatatu ntani vatatu hena wo kuremana unene. Age kamonekere komupanguli Lea Shaanika mo Venduka, mugazarerwa kapi kava mupulire mokukumbururako koukorokotji ou una mutamba,age hena kapi kavamupulisililre mokulifutira akare ponze.Takara ngorooro modorongo zovaporosi, ano mpanguro kavazirundwilire momazuva norombali nantambali gaKudumogona mhvura zeezi ano ekonakono talitwikire. Hamukoto kava muperemagano mokureta ehundiro lyendi nsene asi ana hara alifutire mokukara ponze andindilire mpanguro zendi. Eroyo lyo vantu ntazimwe po mbaha za Kondjeni ezi zadivikwa asi Shiwanda Shebeen mosingera moKatutura kali tumangedere vantu wovanzi mokuwiza kompanguro vaya tare Hamukoto ..morwaa sininke noroyera vantu zoozo ngodi zokomawoko? Oyo nokuyipurasi yimo ana kuuyunga mugara gumwe opo kahwililire metungo lyo kupangwira.Vamati vatatu kavafire nomfa dohararasi popo Hamukoto kahwililire mombaha aroye mombuka mosikondovike pita, morwa yeyi kazumbanesere ngodi zendi zokomawoko. Ano monyima tupu zokaruwogona opo kamene kurugana ukorokotji ou yipo kagwene ngodi zendi zokomawoko ezi kazi zumbanene zoSamsung melimba lya mwene, nampili momu azo hena kapisi zondiro Warrent Officer James Matengu katanterere New Era asi Mugazarerwa kuna mutantere asi ozo ngodi mbiliha unene. Vakwawo zendi kaguvapwege,yiyo kaguyavapwege mokuzuvha asi mukwawo ogu ga mwene ana roya vantu .Monyima zo karuwo gona yipo katokwere ku fukunya vantu apapare ngodi zendi, apa ga dilire kuzigwana makura ta gusa mbisitoli zendi zono meta mugoyi akundurukide kuroya mombunga yipo kadipagere vamati gona vavali Jonas Erastus gonomvhura rombali nambali {22}Festus Aron gonomvhura rombali na ntano{25}ano ogu mukwawo kakalimaneserere mo sipangero sa Katutura mo Sondaha ngurangura.Eroyo eli kaliremekere hena unene monturo,mezimo,nomomaguru ga Joel Hango, Timo Kandjumbwa na Primus Ashipala. Awo simpe kuna kugwana uhaku mosipangero sepangero saKatutura .Komeho zoku tameka ediviso lyo mpanguro eguwo nomahodi kagawizire unene mekoro lyova nakufa ava, ntani nava kava hamenene kwa Hamukoto nawo kava guvire unene. Vantu kavava pulire mokupwaga tanko ponze ntani kavahwililire hena monyima nkenye gumwe kava musefere vaporosi vaNamibia egazarero kali kere asi pamwe gumwe kuvhura akare noUta. Kosipundi sokomeho kakuhingilire vahakuli vomosipangero saKatutura. Age nare kapi gakara muntu gomudona kapi tunadiva asi yinke kayimuninkisire arugane ukorokotji wangesi.Eyi nokuyipurasi yimo anakuuyunga muhakuli gumwe. Muhakuli ogu ga kalidewira uhaku ko Cuba nomhvuro ntane{9}Hamukoto guhwa vanona vane ntundiliro zendi mo mukunda horowero gwaOhangwena komuzogo. Opo kazi zuvhikire mbundi zo ntuku tjima oguhwe nekoro kava tundire koure komuzogo vaya mutare po mpanguro zendi.Ove satana, ove hena kapisi Tate ,yimo ana ku uyunga munwendi gumwe go mukadi ogu katuliremo nonsige mosipara sendi pokumona oguhwe.New Era nage kadimbwilire asi mukadona go kupira kurugana gwa Hamukoto ogu ga kara nage katundire po vakara aka papare mararo nakopeke. Kutwara moVapolisa asi mbistoli zono meta mugoyi ezi zakara kwa Hamukoto, vazigusire vapolisa siruwo simwe saka pita yiyo vazimutengwidira hena yizo karuganesere ukorokotji ou.