Victoria Kaapanda
ONGWEDIVA-Omulumentu gwomimvo 29 okwa li a igandja kopolisi yaShakati sho a li a dhipaga kuume ke komiihole mOosondaha momukunda Omalathitu moshikandjohogololo shaKatana mOshana.
Omupopiliko gwopolisi moshitopolwa shaShana Sergeant Frieda Shikole okwa ti oshiningwanima osha li sha ningwa lwopotundi 00:00 momudhingoloko gwomukunda Amutanga.
“Omukiintu ngoka oomvula dhe inatu dhi tseya natango, aniwa okwa li a dhengwa nendangalati lyomuti gwomusati sigo eso,” Shikole ta ti ngaaka.
Okwali a tongololwa onga Martha Frans Simon.
Aakwanezimo ye oya tseyithilwa, nomakonakono gopolisi oge li metifa okukonaakona shoka sha etitha eso.