Omukiintu gwomimvo 27 okwa dhipagwa kukuume ke komiihole mehuliloshiwike.

Sha ikolela kiiningwanima ya holoka mehuliloshiwike oshiningwanima shoka osha holoka Osoondaha lwopotundi 05h00 momukanka gokukunguluka omeya koRietoog, Klein Aub.

Nakusa okwa tseyika nedhina Moreen Van Wyk.

Otaku hokololwa kutya aaholathani mboka okwa li ya ka shinga koRitoog , hoka ya zi taya nyenyeta, sho gumwe a si anuwa uukodhi. 

Sho ya thiki mokati okuya kegumbo anuwa oya tameke okudhengathana.

Van Wyk anuwa okwa si ethimbo olyo tuu ndyoka  konima  a dhengwa shinyanyaleka nomamanya komutse nokupondwa kukuume ke komiihole.

Nakufekelwa medhipago ndyoka, gomimvo 32 okwa mangwa po.

Moshiningwanima shimwe okakadhona komimvo 15 otaka mono uuhaku moshipangelo shaKatutura sho ka pondwa nokutsuwa nofoloko konima ka kwatwa koonkondo anuwa kukuume ke komiihole kwa li.

Oshiningwanima shoka anuwa osha holoka mendiki lyomangeshefelo tali ithanwa Windhoek Katutura Youth Complex.

Otaku hokololwa kutya okakandhona hoka oka li pamwe nayinagona sho omulumentu ngoka anuwa a hili po okakadhona e tayi nako hoka e ke ka longela omiyonena ndhoka. 

Omakonakono gopolisi oge li metifa.

Opolisi onkene tayi tsikile okukumagidha oshigwana shaa ikuthile we ooveta okudhengathana ihe nashi kale tashi lopota omaupyakandhi gawo opo ku talike nkene uudhigu mboka wu na okukandulwa po.

-vkaapanda@nepc.com.na