Opolisi moshitopolwa shaShikoto oyi li molukongo lwomuntu ngoka a dhipaga omunamimvo 24 popepi noTsumeb.
Sha ikolelela kolopota yopolisi, oshinangwanima osha holoka potundi yaa shiwike kofaalama tayi ithanwa Tsumore, moTsumeb.
Otaku hokololwa kutya olutu lwomulumentu ngoka olwa adhika lwa hulwa iikutu ayihe.
Okwa lopotwa kutya omulumentu ngoka okwa thigi po egumbo lye lwopo07h00 ta ka talela po anuwa aakwanezimo ye ashike konima olutu lwe olwa itsuwa lwa dhengagulwa noshinima kaashi shiwike.
Moshiningwanima shimwe shi ili, opolisi oya manga po aakiintu yaali sho anuwa ya hanagula po uumbangi medhipago lyaChristoph Fredrick (30) ngoka a dhipagwa oshiwike sha zi ko koWindhoek.
-vkaapanda@nepc.com.na