Omulumenhu weedula 29 okwa xulifa eshi a tuwa nombele keendingosho kukaume kaye pefimbo kwa li tava ninwe pamwe omalodu.
Oshiningwanima osha ningwa mexuliloshivike kodoolopa yaKeetmanshoop efimbo loufiku.
Nakufya okwa tongo oye Joseph Boois omukalimo womoKeetmashoops.
Omukulunhu koshikondo shokukonakona oimbuluma wopolifi, omupedu Commissioner Nicodemus Mbango okwa hokolola ta ti nakufya okwa tameka ta ningile omashendjo omufekelwa te mula kutya evaya.
Okudja opo ovatameka oku li denga fiyo omukeleli womaliko tai pokati kavo nelalakano lokulela olwoodi.
Opolifi oya hokolola tai ti omukeleli womaliko okwa taya mo omufekelwa nanakufya meni londingosho.
Ota ku hokololwa kutya ovalumenhu ova ya pondje ndele tava twikile okutanguna nolwoodi.
Opolifi oya hokolola tai ti eshi va yandje Boois okwa kufa ekende lobiila ndele ta ku pula omufekelwa.
Okudja opo omufekelwa okufa ombele nokutwa kaume kaye mepepe nokomatwi.
Boois okwa xulifila ponhele.
Omufekelwa weedula 23 okwa kwatwa po nopangulilwa oshibofa shedipawo.
Opolifi oya kumaida oshiwana opo shi xulife po okumbata oilwifo ngeenge tashi yi keendingosho molwashi osha nyika oshiponga ngeenge omunhu a kolwa.