Omulumenhu weedula 24 okwa fya eshi a dengwa nongonyo kukaume kaye.
Oshiningwanima esho osha ningwa mEtine potundi 16h00 momukunda Epundi moshitukulwa shaHangwena.
Nukufya okwa tongolwa oye Johannes David Shikuma Ndakondjele omukwashiwana waAngola ha longo momukunda Epundi onga eli omufita woimuna.
Omukonakoni woimbuluma wopolifi moshitukulwa shaHangwena omupedu Commissioner Zacharia Amakali okwa hokolola ta ti ovalumenhu okwa li tava lifile mumwe oimuna efimbo lokomatango.
Okwa ti ovalumenhu ova tameka tava tanguna kombinga yoimuna nokonima omufekelwa okwa tameka tau mbu mukwao neengonyo fiyo tashi eta olwoodi pokati kavo.
Omufekelwa okwa denga kaume kaye nongonyo moshipala oyo ya eta opo e li denge po. Eshi naku dengwa a mona kutya okwa dengwa a luluma, okwa shivifila ovanhu kutya okwa pumbwa okuya koshipangelo.
Opolifi oya ti nakuninga oshihakanwa okwa twalwa koshipangelo shaShakati opo aka mone epango lomeendelelo, ashike mupya munene ina fika ko koshipangelo, okwa xulifila mondjila.
Omufekelwa omulumenhu weedula 23 nokwatwa po efiku tuu olo a longa oshimbuluma.
Opolifi oya ti omufekelwa ota hokola monhangu yamengestalata waHangwena nena nomakonakono opolifi otaa twikile.
– fhamalwa@nepc.com.na