Okamatyona keedula 17, otaka holoka momhangulilo yaMangestalata mOndangwa nena shaashi vati ka dipaa omumwainaona ndele taka fudike olutu laye pepata.
Oshiningwanima eshi shikumwifa, osha ningwa oshivike sha dja ko momukunda Ome yant a l a l a moshitukukwahoolo shaShikoto, ashike kamatyona oo e li omukwashiwana waAngola opo a kwatwa po mEtivali.
Pefimbo Kundana a holoka keumbo oko kwa ningilwa oshimbuluma, omufekelwa okwa hokolola ta ti okwa hangwa a dja pokunwa epangwe eshi mumwaina e mu tilifa kutya ote mu lopota. Ta ti okwa kufa omupini wetemo ndele ta vakele nokudenga mumwainamati Tchilondilo Walumbula kofingo nokulidenga po.
“Onde mu denga natango omipini nhano fiyo ota fi. Onda ka tala ekumbafa monduda ndele handi mu tuvikile mo,” ta hokolola.
Okwa ti okudja opo okwa tameka okufa elambo pepeta noku mu fudika melambo.
“Onde mu kufa ongodi yaye yopeke… Onda tameka okukala handi djala po oikutu yaye,” ta hokolola.
Omup o p i l i ko wo p o l i f i moshitukulwa shaShikoto Inspector
Ellen Nehale okwa hokolola ta ti Walumbula nomufekelwa ova li va kutwa meumbo omo mwa ningilwa edipao, vo aveshe Ovaangola.
Ovamati ava vati ova kala ashike va kelela meumbo, oovene kave mo, nanakufya oye a kutwa mo tete omanga inaka tala omumwainona (omufekelwa) opo va kale mo.
Nehale okwa ti olutu laWalumbula ola fudulwa mo kopolifi nola twalwa kokila opo li ka ningilwe omakonakono.
Omushiinda shavo Ndinelao Shiwedha okwa hokolola ta ti okwa yongola Walumbula oule womafiku atatu ine mu mona.
Okwa ti ova tameka okupula Nango kutya mukwao oku li peni eshi e na ongodi yaye yopeke, yee vati oha kala a djala oikutu yamukwao.
Shiwedha okwa hokolola ta ti omufekelwa okwe va lombwela kutya Walumbula okwa ya koWindhoek a mona ko oilonga yokukelela omaliko.
“Otwa kala twa limbililwa kutya Walumbula oku li peni. Okwa li hatu shi anywe okuitavela kutya Walumbula ota dulu okuya koWindhoek ine tu lekala molwaashi otwa kala tu na oushiinda muwa nekwatafano liwa naye,” Shiwedha ta hokolola.
Okwa weda po ta ti Walumbula okwa li ve mu ika osheshi okwa longela mo meumbo omo ouele weedula nhano omanga omufekelwa opo ashike a kutwa mo meumbo omo neudo. Ndemoongela Philipus ou e li naye omushiinda waWalumbula okwa hokolola ta ti okwa lombwela omufekelwa kutya ote mu pe N$500 ngeenge okwa popi oshili kutya mukwao oku li peni.
“Okudja opo okwe tu lombwela kutya okwe mu dipaa nomipini ndele te mu fudike meumbo pepata. Otwa lopotela opolifi fiyo omufekelwa ta kwatwa po,” Philipus ta ti. Ovashiinda ova hokolola tava ti Walumbula okwa li omulumenhu e na elandufano, omunambili noshoyo omuduliki.
Ova weda po tava ti omufekelwa okwa kala shito ha dipaa oikombo neembwa pomukunda wavo ndele te i fudike meumbo lavo molwaashi bati oha kala a tumwa keendudu.
fhamalwa@nepc.com.na