Omulumenhu umwe komukunda Ongha moshitukulwa shaHangwena vati okwe limangeleka konima eshi a dipaa kaume kaye kopaihole weedula 45,
Oshiningwanima eshi osha ningwa meumbo lavo Osoondaxa efimbo lokomatango.
Nakufya womukainhu okwa tongololwa oye Willemin Ngesheya omanga omulumenhu ina tongololwa kutya olyelye molwaashi kape na omikanda tadi yandje ouyelele waye.
Omukulunhu koshikondo shokukonakona oimbuluma moshitukulwa shaHangwena omupedukomufala Zachariah Amakali okwa hokolola ta ti Oshiningwanima osha ningwa pefimbo ovaholafani ve li meumbo ashike vavali.
Oshiningwanima osha ka monika konima eshi ovashiinda va uda ovaholafani ava tava tanguna nokonima umwe womushiinda eshi a fika meumbo omo okwa hanga nale Ngesheya a xulifa a tuwa nombele.
Opolifi oya hokolola tai ti konima yefimbo oya landula eemhadi domulumenhu oo nokwa hangika e li meemhango koshi yomuti moixwa a xulifa.
Kape na omukanda wa fiwa po tau yandje ouyelele kombinga yoshikumungu shefyo lovaholafani ava.
Opolifi onghee ngaa tai twikile nokukumaida ovaholafani opo va kale tava ka konga omakwafo kovaxungimweno ile kovafitaongalo ngeenge ve na omaupyakadi momakwatafano opaihole.
fhamalwa@nepc.com.na