Opolifi moshitukulwa shaMusati otai kongo omulumenhu ou vati a dipaa kaume kaye nombele ndele ta faduka po. 

Oshiningwanima osha ningwa Omaandaxa komukunda Onandjila moshikandjohoololo shaKahao moshitukulwa shaMusati efimbo loufiku. 

Nakufya okwa tongololwa oye Joseph Ndeshipanda Tuukondjele weedula 22 omukalimo womomukunda Onandjila. 

Omukulunhu wopolifi moshitukulwa shaMusati Commissioner Ismael Basson okwa hokolola ta ti nakufya okwa tuwa monhulo ndele omufekelwa ta faduka po a uka moixwa. 

Tuukondjele vati okwa xulifila ponhele opo. Opolifi oya hokolola tai ti fiyo opapa kape na etomenho kutya Tuukondjele omolwashike a dipaelwa. 

Omakonakono opolifi otaa twikile moshikumungu eshi. Opolifi otai indile moshiwana kwaau e na ouyelele kombinga yomufekelwa ou opo shi lopotele opolifi keshe i li popepi. 

-fhamalwanepc.com.na