ONGWEDIVA – Omunamido 26 Hilama Dhiladhilatango Tobias okwa holoka momhangu yEenhana oshivike eshi konima a kupulashi odjona yeemwedi omuwoi.
Tobia omukalimo womOshuuli moshikandjohoololo shEenhana okwa lombwela omhangu kutya yee okaana okwa li ta kendabala oku ka dipaa shaashi vati kave liudite naxe yako. Okwa ti xee yokanona vati iha popi naye ile e mu dengele nande ongodi.
Okwa lombwela yoo omhangu kutya medina laashi yee iha longo ke wete kutya okaana ote ka pe shike ngeenge okwa kala e ka na.
Nakuyandja ouyelele koshifokundaneki eshi okwa tumbula kutya Tobia vati okwe livakela meumbo limwe li li poushiinda ndele ta fiye mo okaana e ka dingila moikumbafa ya ponda vati.
Konima vati meumbo okwe ke lishuna mo vati a ka tale ngeenge pamwe oke na omwenyo, ashike okwa hanga natango taka fuda.
Umwe wopoushiinda vati okwa ka uda ohanana tai kwena ndele ta i meni leumbo a ka tale kutya ohanana oi li peni. Mokuya mo natango ohanana oya hangika i na omwenyo ndele takudengelwa opolifi opo ve uye va shikule omhadi yaTobias.
Opolifi eshi ye ya tai shikula ommhadi yoo tai kongo momaumbo aeshe omu mu na oukadona, inakulu yaTobias vati okwe i lombwele kutya meumbo laye namo omu na okakadona nava ye v aka tale mo ashike naye ka li eshi ngeenge omufekelwa oTobias pefimbi olo.
Tobias okwa tulwa moipandeko kopolifi nokwa holoka momhangu yaEenhana oshivike eshi omo a pewa elifutilemo loshimaliwa shoN$2 000.
Pefimbo a li momhangu okwa hokolola kutya yee okuudite ombili eshi okaana e ka kufwa koministeli youkashikekookanhu nonghalonawa yokaana, ke udite nade oudjuu washa.